Popular Bible Verses from Prov 19

Share

Re' winaq xama' k'isiin naq i ruyejaa' wach rub'aan. Xa re' la' xa re' wo' inooj eloq wach i ruyeew q'ab' i QaJaaw Dios chi naa rub'anam.

Awach i ruyeew rukemeel i neb'aa', je' naa re' i QaJaaw Dios i ruyeew rukemeel. Eh re' i QaJaaw Dios naa ruye'wiik jilow reh i otob'il i rub'an.

Awach i wilik runa'ojb'al ma' jumehq'iil ta nchalik ruk'aah. Re' i naa ruye'wiik runimaal wach re' chi naa rukuyum ransil i naa rub'aan reh.

Chak'am naah aak'uhb'aaljiik, eh cha nimaj aatijiik imb'aan chi je' re' neenooj areq ana'ojb'al chi manlik.

Re' ruyohljiik QaJaaw Dios, pan holohik laj k'acharik ink'amwik. Noq ma' xta k'axik chinaah jino'q, xasuq i k'acharik i rub'an.

Awach i rutijej riib', eh i rub'an paruk'achariik i rutijej i ruk'ax riib', eh i nelik korik i rub'an.

Chatijej aawak'uun awixq'uun noq koruyee riib' chi neenatijej, xa re' la', maakansaj wo' chik ruuk' i rutijiik naa a'nam.

Awach i ma' re' taj i korik i ruq'or, naa ruye'ariik chutojariik i ru mahk. Eh re' chukul q'orik kimik i ruk'am cho chinaah.