Popular Bible Verses from Mat 22

Share

Re' Jesús je' wili i xuq'or reh: Re' chi naa ak'axam aaWaJaaw aaDios chu'nchel ak'ux, chu'nchel awánima, chu'nchel akapeb'aal. Re' aj i wili xti wilik rajaawriik, eh re' i peet k'uhb'aal chi kixilak taqe i k'uhb'aal. Eh re' rukab' k'uhb'aal eliik wach ruuk' i peet, je' wili ruq'or: Chak'ax aawas achaaq' je' rukab' noq inak'ax awiib' i hat, inki.

Re' taqe ki'ib' chi k'uhb'aal wili raa' ri'sil taqe i k'uhb'aal ye'ooj cho reh i Moisés, je' wo' k'uhb'aal xkiq'or chaloq taqe jalal ruq'oral i Dios, inki Jesús.

Je' re' i naa ruk'ulariik, ruum ma' k'isiin taqe i yuuq'imaj eh xama' k'ih ta wo' taqe i sik'ooj kiwach, inki Jesús.

Noq naakiwuktiik chee kamnaq chi k'achlik kiwach, re' taqe winaq, taqe ixoq ma' naa ta chik kia'nam kaxáro naa la' kikahniik chi je' kikab' taqe ánjel wilkeeb' cho pan taxaaj.

Chak'am taq cho jino'q weh i tumiin intojarik wii' i tooj, inki. Eh xkik'am cho reh jinaj i tumiin re' ruuk' i saq wach. Eh xpahqaljik keh ruum i Jesús chi je' wili: ¿Awach eh i wachiis wilik chuwach i tumiin wili, eh awach aj b'ihnaal i tz'ihb'amaj chuwach? ki uchjik. Re' keh je' wili i xkiq'or: Re' wach i ajaab'ees aj Roma, re' rub'ihnaal wilik chuwach, inki taqe. Re' Jesús je' wili i xuq'or keh: Chatoj taq riij reh ajaab'ees i reh ajaab'ees. Chatoj taq riij ree Dios i reh i Dios, inki.