Popular Bible Verses from Mat 21

Share

Eh chu'nchel i nee taq inapahqaaj reh i Dios panatiij, nee wo' inye'arik taq chaaweh, inki.

Re' Jesús je' wili i xuq'or: Re' hin xti korik taq i nuq'or aweh, wila' achopom taq ak'ux chi nimanik, wila' ch'iklik taq ak'ux, ma' xata je' rukab' i xnub'an i hin reh i higo nee taq i na a'n i hat. Nee la' taq inaq'or ree yuuq' wili chi chukut riib' pan palaw, nee wo' i rukut riib' pan palaw.

Re' i tinamit peet chuwach i Jesús, taqe xam chi riij, k'erik kichii' chuq'orariik chi je' wili: Xti wilik ruloq'il i riih rumaam i reey David wilik runimaal wach i xk'u'loq parub'ihnaal i QaJaaw Chu'nchel ta naq neen ye'wik ruloq'il i Dios wilik cho pan taxaaj, inki taqe.

Eh je' wili xuq'or keh: Pan santo laj huuj i tz'ihb'amaj chaloq chi je' wili xuq'or i Dios: Re' nupaat b'amb'al tiij naa rukahniik wii', inki. Eh re' taq i hat akojom taq chi ke'emb'al kiib' ajileq', inki.

Chaq'or keh i rutinamiit wilkeeb' Sión chi je' wili: Re' taq aaReey chalik reh taq awuuk', xa ch'ub'ik wach ruk'ux ihqamaj ruum i k'isa b'uurux, rak'uun jinaj ati't b'uurux aj ihqoom, inki.

Eh je' wili i xq'orarik keh ruum i Jesús: ¿Mi ma' awilom taq re' i hat pan santo laj huuj? chi je' wili: Re' ab'aj ma' xponik ta panaq' kiwach i aj yej-an paat, re' i re' xkahnik chi rukowiil i rooq i paat. Re' wili xub'an i QaJaaw, eh xiik' naah nimaal wach chi qee hoj yu'naak, inki.

Ruum aj re', re' hin i nuq'or taq aweh chi ma' naa ta taq awehtriik i runimaal rajaawriik i Dios. Re' chik i tokoom tinamit naakehtriik, re' naa kib'aniik reh imponik chuwach i Dios.