Popular Bible Verses from Ri Marcux 9

Share

Ri Jesus xubij che: “We catcuinic catcojonic, ronojel c'ut cuya' cäbantajic che ri jun ri cäcojonic.”

Chanim ri u tat ri ala xurak u chi', xubij: “Quincojo. Chinto' la rech quintakej cojonic.”

Aretak xeboc pa ri ja, ri u tijoxelab xquic'ot u chi' ri Jesus pa qui tuquiel wi: “¿Jas c'u che ri uj man xujcuin ta che resaxic ri itzel uxlabal?” Ri Jesus xubij chque: “Jun itzel uxlabal je jas ri jun ri', quesax bic xak xuwi rumal ri u banic ch'awem ruc' Dios.”

Utz ri atz'am. We c'u man c'o chic u tzayil ri atz'am, ¿jas ta c'u lo quicoj che u tzayixic? Chc'ol iwatz'amil chixjekel c'ut pa jamaril ri jujun cuc' ri niq'uiaj chic.”

“Apachin ri cuc'amowaj jun chque ri ac'alab ri je u banic jewa' pa ri nu bi', in ri' quinuc'amowaj. Apachin c'u ri quinc'amowanic, man in ta ri quinuc'amowaj, xane' are cuc'amowaj ri xintakow ulok.”

Apachin ri cuya' jun lak ja' chiwe pa ri nu bi', rumal rech chi ix rech ri Crist, kastzij quinbij chiwe chi ri are' curik na ri tojbal rech.”

“Apachin c'u ri cätakchi'n che mac jun chque we ch'utik ri' ri quecojon chwe in, are ta utz na ri' che, we ta cätzayibax jun ca' chukul, caq'uiak ta pa ri plo.

We ri a bak'wäch cattzakow pa mac, chawesaj apanok. Are utz na chi xa jun a bak'wäch catoc pa ri rajawibal ri Dios, chuwäch ri c'o quieb a bak'wäch catq'uiak pa ri xibalba.