Popular Bible Verses from Miq 2

Share

Ri Miqueas xubij: Ri Jehová xtiwulan ri ruchi' ri tinamit ri akuchi ek'o-wi pa ximonri'il ri rutinamit rija', richin xkerelesaj-pe. Ja rija' ri ki-rey ri xtinabeyej-pe chikiwech; y rije' xtikitzeqelibej-pe.

Kan toq'ex k'a kiwech ri winaqi' ri nikich'ob achike etzelal nibekibana'. Rije' ja ri chi'aq'a' nikich'ob itzel taq banobel, y kan xaxe k'a niseqer-el kan jari' nibekibana' ri etzelal ri xkich'ob rij. Rije' kan yetikir k'a nikiben roma kan k'o uchuq'a' pa kiq'a'.

Ri Jehová xubij: Xkenmol chik konojel ri winaqi' israelita; xkenmol k'a ri xek'oje' kan chire ri rijatzul kan ri Jacob. Xkenya' akuchi man jun xtinaqo kichin, achi'el nuben ri yuq'unel kik'in ri karne'l pa ki-coral. Chupan ri ruwach'ulew ri' xkek'oje' pa ruk'iyal winaqi', achi'el jun soq'olbel nojineq rik'in karne'l, xcha' ri Dios.