Popular Bible Verses from Lev 26

Share

Y jantape' k'a xkik'oje' chi'ikojol y kan ja yin ri i-Dios y rix kan ix nutinamit.

yin xtinteq k'a pe job pa ruq'ijul, y ri itiko'n y ri che' kan janila xkewachin.

Wi rix kan xtitzeqelibej ri pixa' ri nuya'on chiwe, y kan xtiyek pa taq iwánima y xtiben ri nubij

Kan xtik'oje' uxlanibel-k'u'x iwik'in chupan ri ruwach'ulew ri' y toq yixwer kan man jun k'a xkixbin. Xtinben k'a chi xkek'is ri k'uxunela' taq chikopi' y kan man jun k'a labal xtibanatej chi'ikojol.

Yin kan xkixinwajo' k'a y kan xkixink'iyerisaj, y ri nujikiban richin xtinbenya' chiwe kan xtinbenya' k'a.

Ja yin Jehová ri i-Dios ri xinelesan-pe iwichin pan Egipto richin chi man xixxime' ta chik pa samaj. Xinben chiwe richin xel ri ejqa'n chiwij y xixsolkopitej chuxe' ri ejqa'n ri'.

Yin kan xkik'oje' k'a chi'ikojol y kan man xkixinwixowaj ta.

Ja yin Jehová ri i-Dios, roma ri' ninbij chiwe chi man ke'iben wachibel richin niya' kiq'ij y yixxuke' chikiwech, wachibel ri e paban, ri paban taq abej y ri abej ri ek'o wachibel chuwech.

Kan k'a xtitej na ri iyakon kan roma kan pa ruk'iyal ri xk'oje' iwik'in; y toq xtik'en-pe ri k'ak'a' itiko'n, k'o chi xtiwelesaj-el ri k'a k'o na iwik'in richin niyek kan ri k'ak'a'.

Ri e wok'al etzelanel iwichin xke'animej chikiwech e wo'o' iwinaq. Y ri e 10,000 xke'animej chikiwech e wok'al iwinaq. Konojel ri etzelanel iwichin xkeken k'a chiwech.

Kan janila k'a xtiwachin ri jalajoj ruwech ixin, y k'a yixtajin na k'a chuch'ayik ja ri' toq xtapon chik ri q'ij richin xtiwachin ri uva. Y yixtajin na k'a chuwuxik ri uva ri' toq napon chik ri q'ij richin yixtikon chik qa jun bey. Roma ri' xkixwa' jebel y kan xtich'uch'u' ri iwánima, y rik'in k'a ch'uch'ujil xkixk'oje' chiri' pa iruwach'ulew.

Xtinben k'a chike ri e etzelanel iwichin chi xke'animej chiwech y rix kan xke'ikamisaj k'a.

Kan tichajij k'a ri q'ij richin uxlanen y kan tiya' rejqalen ri wachoch akuchi niya-wi nuq'ij. Yin Jehová ri yibin.