Popular Bible Verses from Maak 13

Share

An evribadi a-go iet unu kaaz unu fala mi. Bot enibadi we uol aan tait an tan op chrang til di sofarieshan don, Gad a-go siev dem piipl de.

So wach out! An kip gyaad kaaz unu no nuo wen di taim a kom.

Wen dem ares unu an ton unu uova tu di joj, no bada fret bout wa unu a-go se ar ou unu a-go se it. Jos se we Gad tel unu fi se da taim de, kaaz a no unu a taak, a di Uoli Spirit a taak chuu unu.

Evn an ort naa go de bout fi eva, bot fi mi wod a-go laas fi eva.

“Nobadi no nuo di die ar di taim wen aal a dem sitn de a-go apm, no iivn di ienjel dem iina evn ar di Faada Bwai Pikni nuo, a onggl Faada Gad wan nuo dat.

Wen unu ier bout waar nier an faar, no bada mek dem sitn de fraitn unu. Dem sitn de boun fi apm, bot dat no miin se a don di worl a don.

“So kip wach den, kaaz unu no nuo wen di baas a kom bak — weda iina di iivnin, migl nait, wen di kak kruo, ar wen die a lait — kaaz im mait kom bak wen unu naa luk fi'im kom an im kom fain unu a sliip. Wa mi se tu unu, mi a se tu evribadi: ‘Kip wach!’ ”

Kaaz wan set a piipl a-go waar gens wan neks set a piipl, an wan kindom a-go fait gens wan neda kindom. Ortkwiek a-go apm iina nof nof plies. Fuud a-go shaat an nof nof piipl a-go staav. An di wie piipl a-go sofa, it a-go komiin laik di fos pien we lik wan uman we tek iin fi av Biebi.

Bot di Gud Nyuuz afi priich tu di uol worl fos bifuo dem sitn de apm.

Kaaz a uol iip a piipl a-go kom yuuz op yuuz op mi niem, an a se, ‘Mi a Krais, a mi Gad sen fi siev piipl,’ an dem a-go fuul op nof piipl.

“Wach out. Chobl a-go riich unu. Dem a-go tek unu an ton unu uova tu di liida dem fi di Juu dem choch, an dem a-go biit unu iina dem choch. An kaaz unu fala mi, unu wi get fi tan op infronta ruula an king an tel dem bout mi.

Kaaz piipl a-go kom kom se dem a di wan we Gad sen fi siev piipl, wen notn no go so. An som faalz prafit a-go shuo op tu. Dem piipl de a-go wok aal kain-a mirikl an shuo aal kain-a sain fi chrik op piipl, dong tu aal di piipl dem we Gad pik dem wi chrik op ef dem get di chaans.

“Bot iina dem die de, rait afta di torbl sofarieshan, “ ‘Di son a-go daak op, an di muun a-go tap shain; Di staar dem a-go jrap outa di skai, an evriting iina di skai a-go get shiek outa dem plies.’