Popular Bible Verses from Maak 12

Share

Jiizas ansa im se, “Di muos impuotant Laa a dis: ‘Piipl a Izrel, lisn, di Laad we a fi wi Gad, im a wan. Yu fi lov di Laad we a yu Gad. Yu fi lov im wid aal a yu aat, yu fi lov im wid aal a yu suol, yu fi lov im wid aal a yu main, an yu fi lov im wid aal a yu chrent.’ Di sekan muos impuotant Laa a dis: ‘Yu fi lov yu nieba siem laik ou yu lov yuself.’ No ada Laa no muo impuotant laik dem tuu ya.”

Jiizas kaal im falara dem an se tu dem se, “Mi a tel unu di chuut, unu si da puo uman ya we ar ozban ded, shi jrap muo iina di aafrin baks dan aal a dem. Kaaz aal a dem gi outa di uol iip we dem av, kaaz dem rich. Bot shi, iivn duo shi so puor, shi gi evriting we shi av fi liv aafa.”

Jiizas go sidong kraas fram we di aafrin baks did de an wach di kroud a piipl we did a jrap dem moni iina di baks. Nof a di rich piipl dem put iin uol iip a moni. Den im si wan puo uman uufa ozban ded put iin tuu likl red moni we aadli wot notn — bout tuu sent.

An yu rait fi se di muos impuotant Laa a fi lov im wid aal yu aat, wid aal a yu main an wid aal a yu chrent, an yu fi lov yu nieba siem laik ou yu lov yuself. Yu rait fi se dem tuu laa de muo impuotant dan wen sumadi bon sakrifais gi Gad ar gi op aafrin.”

Den Jiizas se tu dem se, “Gi Siiza wa a fi'im, an gi Gad wa a fi'im.” An dem did shak fi ier ou im ansa dem.