Popular Bible Verses from OMAPSALOME 18

Share

Omwene Oye emanya lange la pama, nohotengulu yange, nomuxupifi wange. Kalunga kange Oye omhunda yange yehondamo oko handi tondokele, Oye oshikelelifo shange, noluvinga lexupifo lange, nohote ya kolelela.

Ondjila yaKalunga oya wanenena; ondjovo yaKalunga oya yelifwa; Oye oshikelelifo shaaveshe ava have liameke kuye.

Ohandi ifana Omwene, nokovatondi vange ota xupifa nge; Omwene na hambelelwe!

Moudjuu wange nda ifana Omwene, nda kuwila Kalunga kange onghuwo. Ye okwa uda ondaka yange motembeli yaye, nonghuwo yange ya fika momatwi aye.

Osheshi Ove to efele olamba yange okuminikila; Omwene Kalunga kange ota minikile momulaulu wange.

Kalunga ou ta dike nge eenghono, ndele ta wapeke nokuwanifa ondjila yange

Omwene Oye omunamwenyo! Emanya lange nali fimanekwe. Udifeni pombada ounene waKalunga omuxupifi wange!