Popular Bible Verses from Gálatas 6

Share

La llacaꞌahua riaꞌahua nú neca nzeꞌca. Xne tunu la llacaꞌahua, che riña bichia nú atiaꞌahua nú riala atiaꞌahua.

Enzeꞌe chenu nuꞌ modo nú riaꞌahua elietsa lubee bene rquiꞌña nú riaꞌahuane, nu máse rquiꞌña nú riaꞌahua elietsa lubee saꞌahua enu nzeli arquiꞌ Jesucristo.

Uriꞌihua elietsa lubee saꞌhua lu xitse beenú nehuana seca beella che scua sucuꞌhua lunú rnibiyaꞌ Jesucristo nú riꞌihua.

La zequienuhua leꞌcatsia liꞌihua, xne leca modo nú itanu bene Diose xne ye beenú rduꞌ ni bene enzeꞌe riꞌi bene ulaꞌcu.

Tunu nehuañitsia bene lunú necha neca rriꞌi bene elliebacuꞌ. Riña bichia nú zecalla castiya, pero bene enu nehuañi tucu nú rnibiyaꞌ Espíritu Santo, equie cuendaꞌ Espíritu Santo luꞌculla elu nehuañi nú leca xunga laxu ante Diose.

Bee saꞌa enu nzeli arquiaꞌahua Jesucristo, nia luhua nú tunu tucu bee saꞌahua rriꞌi dula ana lu, liꞌihua enu másela nzutaꞌ arquiꞌ lu Stichiaꞌ Diose rquiꞌña nú nihua lulla pero niꞌ nzeꞌcahua lulla. Nu uriꞌihua beyaꞌ nú leꞌca nuꞌ modo nú riꞌi dula ana luhua.

Tunu nuꞌ enu seca nú reca ye nú reca nu lecaxi reca, che leꞌcatsia liꞌilla sequienulla liꞌilla. Cada tucuhua riꞌihua beyaꞌ tunu neli nú nehuañihua tucu nú niarquiꞌ Diose nú huañihua. Nu tunu nehuañi nzeꞌcahua liꞌitsiahua llilaꞌhua luhuare nú riꞌihua elliebacuꞌ nú nehuañi nzeꞌcalahua luquela beelá bee bene. Xne cada tucuaꞌahua rquiꞌña nú biꞌyaꞌahua lunú xneca nehuañiaꞌahua.