Popular Bible Verses from Gálatas 5

Share

Pero lunú rliquiꞌ Espíritu Santo neca nú zeca bene saꞌbene, nú ñia tsu arquiꞌ bene, nu la huañi bene cuna xuu, nú luꞌcu bene paciencia, nú ñia riꞌi bene lusaꞌ bene nu riꞌi nzeꞌca bene lusaꞌ bene nu tsaꞌalu bene stichiaꞌbene, nu aca lleꞌna arquiꞌ bene, nu riꞌilla ana lu elliebacuꞌ nú necha neca, nu leca niꞌ tucu ley nú cá nú riꞌi bee bene bee nucuaꞌ.

Enzeꞌe nia luhua, uhuañihua tucu nú rnibiyaꞌ Espíritu Santo luhua nú huañihua. Nu scua la huañiaꞌhua lunú necha neca nuꞌ elliebacuꞌhua.

Nu nee nú nzu Espíritu Santo cuna liaꞌahua rquiꞌña nú huañiaꞌahua tucu nú rnibiyaꞌnu nú huañiaꞌahua.

Nu bee bene enu necala bee beneꞌ Jesucristo para liꞌibeella neca xi neca nú ungutila yebee nucuaꞌ, cuna yebeelá beenú nechá neca xne ungutila Jesucristo lu cruse equie cuendaꞌ ye dula.

Neequie achee neca nú necatsia elliebacuꞌ bee bene: Necane eluhuexe nu beenú lecaxi zibiꞌ, nu yelu clasiaꞌ bee biciu. Nu rluꞌcu beei ulaꞌna lubeenú seca beei nú neca diose nu rduꞌ ixiu beei saꞌbeei, nu rliubeei, nu neyiꞌ rcuaꞌa beei. Nu terratutsia rlebeei, nu rriꞌibeei nú rleꞌe saꞌ bee bene, nu leꞌca rluꞌcubeei bee beneꞌbeei, ria arquiꞌbeei, nu ruuti beei bene nu necabeei uniqui, nu racu xetaꞌ beei, nu nuꞌ beelá beenú iguale saꞌbee nucuaꞌ rriꞌibeei, ni zeca luhua stucu bese tucu nú unila luhua ante, bee bene enu rriꞌi scua leca modo chuꞌu liñibe elurnibiyaꞌ Diose.

Xne la nibiyaꞌ ley luhua, nu la neca equie cuendaꞌ nú la nibiyaꞌ ley luhua nú riꞌitsiahua lunú niarquiꞌhua, sino que uzecahua bee saꞌhua nu uriꞌihua elietsa lubeella.

Xne lunú nehuañi bene lunú nechá neca nuꞌ elliebacuꞌ bene, lacane tucu nú rnibiyaꞌ Espíritu Santo nú huañi bee bene. Nu tucu nú rnibiyaꞌ Espíritu Santo nú huañi bee bene, lacane tucu nú niarquiꞌ bee bene nú huañilla. Niꞌ tucue nu niꞌ stucue la uyaꞌ saꞌe nu laca igualee, enzeꞌe liaꞌahua leca modo huañiaꞌahua tucu nú niarquiꞌtsiaꞌahua.

Xne tunu sucuꞌla bene tucu mandamiento nú rni: “Uzeca saꞌlu tucu nú secalu liꞌilu”, che sucuꞌla bene yenú rnibiyaꞌ leyꞌ Diose.

La aca nelliñaꞌahua nu la riaꞌahua nú le bene lu saꞌ bene, nu la yea arquiaꞌahua lubee saꞌahua.

Jesucristo utsilaꞌa liaꞌahua para nú la nibiyaꞌ ley luaꞌahua enzeꞌe utsutaꞌ arquiꞌhua nu la zelaꞌhua acahua stucu bese xi neca esclavo equie nú rriꞌihua nú rnibiyaꞌ ley.