Popular Bible Verses from ᐃᓐᖏᕈᑎᑦ 119

Share

ᐅᖃᐅᓯᕐᑎᑦ ᓇᓂᕈᐊᖑᕗᑦ ᐃᓅᓯᓐᓄᑦ, ᐊᖅᑯᑎᒋᓂᐊᕐᑕᓐᓂᒡᓗ ᖃᐅᒪᑎᑦᓯᓪᓗᑎᒃ.

ᐅᖃᐅᓯᕐᑎᑦ ᑐᖅᑯᕐᐸᒃᑲ ᐆᒻᒪᑎᓐᓄᑦ, ᐊᔪᕐᑐᓕᖁᓇᖓ ᐃᓕᖕᓄᑦ.

ᖃᓄᖅ ᐃᓅᓱᒃᑐᖅ ᐃᓅᓯᕐᒥᓂᒃ ᐸᓯᔭᒃᓴᐅᖏᑦᑑᑎᑦᓯᔪᓐᓇᕐᐹ? ᐅᖃᐅᓯᕐᓂᒃ ᒪᓕᑦᓯᐊᕐᓗᓂ ᐱᓂᐊᕈᓂ.

ᑐᓱᓐᓇᕐᐳᑦ ᑖᑦᓱᒪ ᐅᓐᓂᕐᑑᑎᒋᔭᖏᓐᓂᒃ ᒪᓕᒃᑐᑦ, ᑖᑦᓱᒥᖓ ᕿᓂᕐᑐᑦ ᐆᒻᒪᒻᒧᑦ ᐊᑕᖏᕐᑐᒧᑦ.

ᐃᔨᕐᓯᒪᕕᒃᓴᕆᕙᒋᑦ ᓴᐴᓗᑕᕆᓪᓗᑎᓪᓗ; ᐅᖃᐅᓯᕐᑎᑦ ᓂᕆᐅᒡᕕᒋᕙᒃᑲ.

ᑐᑭᓯᔪᓐᓇᕐᑎᓚᐅᓐᖓ, ᐱᖁᔭᕐᓂᒃ ᒪᓕᒍᓐᓇᕐᓯᖁᓪᓗᖓ; ᑕᕝᕙ ᐊᑐᓕᕐᓂᐊᕐᐸᒃᑲ ᐆᒻᒪᒻᒧᑦ ᐊᑕᖏᕐᑐᒧᑦ.

ᐃᓕᓮᑦᔪᑎᒋᔭᕐᓂᒃ ᓈᓚᒍᒪᓂᕐᒥᒃ ᐆᒻᒪᑎᓐᓄᐊᕐᓯᒋᑦ, ᐊᔪᕐᓴᕈᓐᓃᕈᒪᓂᐊᓗᑐᐃᓐᓇᕐᒥᒃ ᐱᖁᓇᖓ.

ᐅᕙᓐᓄᑦ ᐱᐅᔫᕗᖅ ᐋᓐᓂᐊᑎᑕᐅᓯᒪᓂᕋ, ᐃᓕᑦᓯᔪᓐᓇᕐᓯᑎᑕᐅᓯᒪᒐᒪ ᐊᑐᕐᑕᐅᖁᔭᕐᓂᒃ.

ᐋᓐᓂᐊᓂᓐᓂ ᐊᖏᕈᑎᒋᓯᒪᔭᕐᓄᑦ ᐃᑲᔪᕐᑕᐅᕗᖓ ᐅᖃᐅᓯᕐᑎᑦ ᐃᓅᓯᓐᓂᒃ ᑕᓯᐅᕐᓯᖕᒪᑕ.

ᐱᖁᔭᕐᓂᒃ ᓈᓚᒍᓐᓇᕐᓯᓂᕐᒧᑦ ᑕᓯᐅᓚᐅᓐᖓ, ᑕᒪᒃᑯᐊ ᖁᕕᐊᓇᕐᑐᕐᓯᐊᕆᓯᒪᒐᒃᑭᑦ.

ᐊᑕᓃᖅ ᐊᔪᕆᕐᑐᓚᐅᓐᖓ, ᐊᑐᕐᑕᐅᖁᔭᕐᐱᑦ ᑐᑭᖏᓐᓂᒃ; ᑕᕝᕙ ᒪᓕᖕᓂᐊᕐᐸᒃᑲ ᐃᓅᓯᕐᒪ ᓈᓂᖓᓄᑦ.

ᑕᕐᓂᕋ ᐃᓱᒪᔮᕐᓂᕐᒧᑦ ᐊᐅᓕᕐᐳᖅ; ᓲᖑᓯᑎᓚᐅᓐᖓ ᐅᖃᐅᓯᕐᑎᑦ ᒪᓕᒡᓗᒋᑦ.

ᐃᓛᒃ, ᐱᖁᔭᑎᑦ ᐊᖏᔪᒥᒃ ᐅᖓᒋᕙᒃᑲ! ᐅᓪᓗᓕᒫᖅ ᐃᓱᒪᒃᓴᕐᓯᐅᕈᑎᒋᖃᑦᑕᕐᐸᒃᑲ.