Popular Bible Verses from Marcos 11

Share

Naqaida da' 'ami senapegalo da' ỹima jen'me 'aviỹáxañiỹaaque da' 'antamiñíitac, da'me ỹátaqta 'au'amaqchíñii da' sóxote 'ami huo'oto, qana'chi da'me ỹipaquíchiỹi.

Ỹátaqta 'eesa da'me 'ami senapegalo, da' 'uo gamachaqaiga da' 'uootaxa 'enapéga jiñi' qasoxonaxa da' 'enaac: “'Ocá'ai qomle na' 'onéta'ña, 'ánỹi jadi' huaxai”, da' qaỹa 'te loqolguétaxanaxac jañi' liquidiaqte, ỹisamaq da' ỹ'amaqten da'me 'enaac, qana'chi ỹipaquíchiỹi.

Qataxa qomle 'antamiñíitac, qana'chi da' 'uo ga' sa 'aviỹamaxadíñiic ga' 'adaqaỹai, 'auchoxodíñiiỹo', qaidi nataq'en ñi'me 'adet'ai 'me net'ot na' piỹem, 'ami ỹichoxode'n qataxa ỹapalaxa't naua' 'adoicódii'.

Qana'chi so' Jesús 'enaaco': —Ỹátaqta 'aup'íi'ỹa qomle ñi' Dios.

Huá'a, qana'chi dapaxaguenataxáatac, 'enaac: —Naua' nedétrañi l'aqtaqa ñi' Dios 'enapega't: “Jen'me ỹ'imec, 'me qoỹimatá'ac da' tamnaxaqui, netamnaqa' na' ỹima ỹodapecachi siỹaxadipi.” Qaláxasa 'ami 'aviñii da' nañoxótaqa' na' huoodáxanaxaicpi.

Qana'chi na'me 'uáuta, qataxa na' liilata', na'me ỹ'alqátaỹi, 'eet'oi: —¡'Uo da' li'ỹoxodic ñi' Dios! ¡Ỹátaqta 'ónaxaic da' ladíquiaxac na'me nauéctapegue' da' lenaxat ñi' qadesaliaxanec!

¡Ỹátaqta 'ónaxaic da'me nata't n'onataxanaxac, 'me 'ená'am da' l'onataxanaxac so' qadet'a David! ¡'Uo da' li'ỹoxodic ñi' Dios!