Popular Bible Verses from Hebreos 6

Share

Dójo' qanaquitaxac, naqaida jeda'me qo'mi ỹ'añaxachidíñi qataxa jan'me qadiquidiaqte. Jeda'me 'ená'am ga' lequet jaga' nilicota. Dójo' qanaquitaxac, jeda'me nesócta'ña jega' p'áuo so' lapadénaxat jega' tamnaxaqui 'me net'ague da' piỹem

Qá'a ñi' Dios sa ỹaqanatet da' 'uootaxa sa ỹipaguelégue ga' l'aqtac. Qataxa jiñi'me sa petelaxaguet da' 'ad'onataxanaxaquii qataxa da' 'adauochidíỹaxaquii jena'me 'adaỹii 'me 'ad'amaqténataxanaxauai, jeda'me maliaxa 'oquiit'ot naỹi da' 'av'íchiitac.

Qana'chi naqaida da' 'éet'ec da' huo'oi naua' dos 'me sa qoỹañoxo't da' qonchíỹaxa't, jenaa'me tadeeto' sa ỹañoxot da' doqovínaxan ñi' Dios, naqainaua naua' ỹachiỹoxotapiilo ñi' Dios da' qo'mi ỹanema da' qad'añaxac, qo'mi 'me sapiinoqot jiñi'me qataxa s'amaqténaq jeda'me quitaxac 'me qo'mi ỹanema.

Chan'eesa qo'mi 'ónaxaic da' ñichíỹaqtaseguem, qaidi sevítaxa da' qo'mi ỹ'axaiqa. Ñ'ónaxataq qomle jen'me 'uáichiiñi qanapaxaguenataguecpi so' Cristo. Qataxa sa sañoxotaq da' s'iỹílaxasoxolégue da' s'axátaqtac da' ladic ga' siỹaxaua da' ca'ai naua' loico 'me ỹauécteda da' neleuaxa jega'me, qataxa da' qop'iỹá'a ñi' Dios