Popular Bible Verses from Hechos 2

Share

Qaama'le so' Pedro 'enapego' jeso'me siỹaxadipi, 'enaaco': —'Aviimi' qomle naua' 'adoicódii' da' 'auasoiỹot ñi' Dios, qana'chi 'ami qonachiláxa'n, qodachiláxanataxana da' lenaxat so' Jesucristo, qaidi ñi' Dios ỹapalaxa't naua' 'adoicódii', qataxa 'ami ỹanema ga' Espíritu Santo.

Qaa'le ỹima so' siỹaxadipi ỹátaqta quetelóo'te naua' lapaxaguenataxanaxaco saa'me namaxa's, qataxa ỹátaqta nauoda't, qataxa netaméetac, qataxa da' dequé'e, qana'chi ỹima'a't.

Qana'chi ỹima jeso'me ỹátaqta saqáchiỹi qa'en so' Espíritu Santo. Huá'a, qana'chi dosiilo naua' ỹoda'alo n'aqtaqa 'me ỹanema so' nepaqal.

Qana'chi nepeláxateta da' qodemachíỹa so' nalimáxa let'ádaic chimaqpecot di' piỹem, 'ená'am na' lesamaxa na' laỹat let'ádaic, ỹátaqta ỹalimaqtet ga'me 'emec 'me qonétaaue. Huá'a, qana'chi di'ỹoq so' nacháxatpi, 'ená'am na' dóle' lauaq, qana'chi ta'nỹet na' 'oonolqat'ape jeso'me siỹaxadipi. Qana'chi ỹima jeso'me ỹátaqta saqáchiỹi qa'en so' Espíritu Santo. Huá'a, qana'chi dosiilo naua' ỹoda'alo n'aqtaqa 'me ỹanema so' nepaqal.

Qana'chi ỹiméda naua' noloqo'te ỹimétapega't, qouét'a jega' tamnaxaqui, qataxa da' qouet'alo naua' n'acháqa'te qana'chi neuan'a't, ỹátaqta mátac qataxa qaỹa 'te pagaxalaic. Qana'chi qoỹi'ỹoxodéetac ñi' Dios, qataxa ỹima na' siỹaxadipi ỹátaqta sa qolate't saa'me. Chan'eesa so' qadesaliaxanec Jesús nichíỹaxatetaiỹi ỹiméda naua' noloqo'te na' 'amaqténataxanaxaicpi 'me qonec'alaxatéegue.

Ñi' Dios 'enaac: gaua' p'átreegue noloqo'te, qana'chi ñanacot ñi' ỹipaqal da' sanem ỹima na' siỹaxadipi; qana'chi na' nec'oqtepi qataxa jan' nec'oqtepi, ỹ'axa't qomle naua' ỹ'aqtaqa, na' soxodipi di'ỹo't naua' lauanáxanaxaco jaỹim chiỹoqodápecot, qataxa na' ỹ'axaicáchiipi huo'oi naua' lichoxonaxaco.

Ỹima na' 'amaqténataxanaxaicpi ỹátaqta 'oonolec da' lasoxoc, qataxa ỹima na' loxosetpi ỹátaqta neuochíichiỹi; 'uo na' ỹimen na' n'atet, qataxa ỹima na' leuoxosetpi, chan'eesa jan' laso'vi qana'chi ỹanem ga' laqáỹa, ỹátaqta jen' ỹiuéetaaque ñi' 'oonolec.

Qana'chi ỹima na' liỹáxanaxat da' lenaxat ñi' qadasoxola', jen'me qonec'alaxatéegue.

'Om jañi' c'atena, ñi' 'auóxoic 'ená'am jaga' netauo', qom'chi ỹamtaa'le ỹivíta ga' nolo' 'me livídaxaqui ñi' qadasoxola' Dios. Ga'me nolo' ỹátaqta qaỹa 'te 'ená'am da' lichic qataxa da' li'ỹoxodic.