Popular Bible Verses from Pilipai 4

Share

Man nani diara kumi dukiara sin sari takpara, sakuna dîa dîa luha sma ba sut, Gâd ra puram sunra nani ra wis, makabi bas bara tingki sin wis.

Bara Gâd ai kupia kumi lâka bara upla tânka briaia praiska sut pura lui ba, witin maikbia; bara naha kupia kumi lâka na, man kupiam nani lukanka nani sin main kaiki kabia, Kraist Jisas wal asla.

Bara tnata kat, muihki nani, diara pain bara mayunra briaia aitani ba lukankam ra mangki bris. Diara kasak nani ba, dîa dîa kulki briaia aitani ba, diara wapni nani ba, diara sunu nani ba, dîa dîa upla mita lihki ba bara dîa dîa upla mita pain kulki ba.

Diara sut mapara karnika brisni, Kraist mita karnika aiki ba mita.

Man nani piu bani ra, Dawan ra liliam bas. Yang kli wisni: ¡Liliam banhwi bas!

Baku bamna, man nani dîa dîa âpu sma ba sut, Gâdki mita maikbia, ai yuyaka pranakira Kraist Jisas ra bri ba praiska kat.

Diara nani man nani ra mai smalkri ba, maikatna ba, diara nani yang aisari walatma ba bara daukri kaikatma ba sin, baha sut dauki bas; man nani baha dauks, bara kupia kumi Gâdka ba man nani wal kabia.

Yarka upla sut mita man nani ba upla yamni baku mai kaikbia. Dawan ba wan lamara sa.

Umpira iwi kaia ba yang lan sna, diara ailal bri kaia ba sin. Dîa dîa mapara daukaia sna ba, yang lan takri, biaira banhki, apia kaka plun ai dauki ba ra kra, diara manis bri, apia kaka diara âpu ba sin.

Yang diara want sna dukiara lika mai wiras, kan yang dîa brisna ba wal lilia kaia lan takri sa.