Popular Bible Verses from Luk 7

Share

Baha mita yang mai wisna, witin ai latwanka tara ba mita marikisa ai saurka nani sut ba swih tikan sa; bamna ani uplika saurka wiria baman swih tikan ba, pana wiria baman latwan kaikisa. Bamna Jisas mita mairka ba ra win: —Man saurkam nani ba sut swih tikan sa.

Sakuna Jisas mita mairin ba ra win: —Man kasak lukram bamna, swaki mai sakan sa; bamna kupiam kumi wal was.

Mairin ba ini Jisas lamara wih, witin mina nani ra ai nakra laya ni buskan. Ningkara, ai tâwa ni dikan, kiawalan, batana kîa pain ba ni sin yukan.

baha mita yang pali mita sin mai pliki balaia sip apia kapri. Sakuna adar baman yas, bara albiki ba rawbia. Kan yang pali na sin kau karnika alki nani ba adarka mununhtara sna, bara sin suldiar nani ba karniki mununhtara brisna. Ani piua kum ra ‘Was’ wisna kaka, witin auya; wala ra ‘Bal’ wisna ba ra, witin aula; bara albiki ra naha wih ‘Dauks’ wisna kaka, witin wih daukisa.” Jisas naha diara walan ba ra, waitna ba dukiara tâ iwan, bamna witin ai nina bliki kan uplika nani ra tawi kaiki, naku win: —Kasak pali mai wisna, naha waitna kasak lukan lâka manis bri na sât yang kau Israel ra sakras.

Baha nani aidrubi balan ba sim piua ra, Jisas bui upla manis raki kan, siknis nani wina, taya ra diara saura taki ba wina, pirit saura nani wina, bara blain nani ra nakra yan. Baku bamna, Jisas pana win: —Man nani wih Jan ra wis, dîa kaikram bara walram ba sin: Blain nani ba kaikisa, mina skahwa nani ba wapisa, liparkira nani klin daukan sa ai sikniska wina, kiama prawan nani ba walisa, pruan nani ba kli rawi buisa, bara umpira nani ra swaki sakan sturka ba smalkan sa.