Popular Bible Verses from မးသဲ 18

Share

မၤ​နဲၢ်​က​ဒီၣ်​ဓဳၤ​ဒဳၣ်, ဘ့​ပၠၤ ကၠံၢ်​ပွဲၤ သဳ​ပွဲၤ​အီၣ်​ပျဳာ်​လၢ်​ဝၤ ယ​မံၤ​အ​ပူၤ​အ​လ့ၤ​နဳၤ, ယ​အီၣ် တ​ပွဲး​စ​ကျဲ ဘ့​နဳၤ.”

“​ယ​ဒီ​ဆး​သံ​တ​ပျာ်​ပ့ၤ, ထဲၢ်​သံ​ကျဲ​ကၠံၢ်​ပွဲၤ သဳ​ပွဲၤ​အ​သး​က​ဒွါ​ဝှါ​လၢ်​ဝၤ, စ​က​တၤ​တဲၤ​တ​မံၤ​မံၤ​ဒဳ လၢ်​ခဳး​အ​ခဳး​ယဳၤ​ဒဳၣ်, ယ​ပာ်​အ​အီၣ် မီၢ်​ခဳး​တ​ပွဲၤ က​အံာ် လၤ​တ​ပွဲး​စဲာ်.

ကၱာ်​ဒီ​ယ့ၣ်​ရှူး​ယဳၤ​လ့ၤ​အ​ပံၤ​စ​ဖဳး​တ​ပွဲၤ​စ​အီၣ်, ကၱာ်​စ​နှး​အီၣ် လၢ်​ဝၤ​ဒဳ​စဲာ်​တ​စီာ်​အ​ကျါ​မဲ​ဗူ​နဳၤ, ကၱာ်​စ​ဒီၣ်, “​ယ​ဒီၣ်​သံ​အ​တၱၢ်​အ​မှး, သံ​က​တ​ဘါ​ချဲး သံ​သး​နီး, သံ​က​တ​ဖၱ​ထာ်​ဇၤ​အ​စာ်​ဘိ အ​ပံၤ​စ​ဖဳး​တ​စီာ် နဳၤ​နီး​ဒဳၣ်, သံ​တ​လ့ၤ​နံၢ်​ဘဲာ်​ပံ​ပံး​မီၢ်​ခဳး​အ​ထံ​အ​က့ၤ အ​ပူၤ​နီး.

မဲၤ​က​နဳၤ​ဒဳၣ်, ပၠၤ​တ​ပွဲၤ​က​ပဲၢ်​ဘိး​လၤ အ​န့ၤ​အ​စာ်​ဘိ​အ​ပံၤ​စ​ဖဳး​အ​ယဳၤ တ​ပွဲၤ​နဳၤ​ဒဳၣ်, စ​က​မၱာ် အ​ဓဳၤ​က​ဓူ​ဒဳ​မီၢ်​ခဳး​အ​ထံ​အ​က့ၤ​အ​ပူၤ​နဳၤ.

ကၱာ် ဒီ ပၠၤ​ထဲၢ်​အ​ယဳၤ​အ​ကဲာ်​အ​ပံၤ​စ​ဖဳး​အ​စာ်​ဘိ​အ​ယဳၤ ဒဳ​ယ​မံၤ​အ​ပူၤ​နဳၤ​တ​ပွဲၤ ယဳၤ​ကဲာ်​တ​ပွဲး​ယဲၤ.

“​ယ​ဒီ​ဆး​ဝ့ၤ​သံ​အ​လှီ​မီၢ်, တဲၤ​အ​ရါ သံ​စဳ​ကျဳၤ ဒဳ​လၢ်​ခဳး​နဳၤ, က​ဘဲာ်​စဳ​ကျဳၤ​ကီ​ဒဳ​မီၢ်​ခဳး, ကၱာ်​ဒီ​တဲၤ​အ​ရါ သံ​ဘါ​ပျဲး​ဒဳ​လၢ်​ခဳး​အ​ခဳး​နဳၤ က​ဘဲာ်​ဘါ​ပျဲး​ကီ​ဒီ​မီၢ်​ခဳး နဳၤ​နဳၤ.

“​အ​စာ်​ဘိ​က​နဳၤ, သံ​ကိ​အ​ပွဲၤ​က​တ​ဘါ ပျဲး လဳ​သဳး​လဳ​သး အ​သဲ​ပူၤ​ဝ့ၤ​နီး​ဒဳၣ်, အ​ပာ် အ​အီၣ်​မီၢ်​ခဳး တ​ပွဲၤ​က​မဲၤ​ကီ​သံ​က​နဳၤ​လီၤ​လီး.”

“​ပ​ရၤ​ဆါ ပၠၤ​ထဲၢ်​အ​ဒဲ​လၱၢ်​အ​ပံၤ​စ​ဖဳး​အ​ဘူၣ် ယဲၤ​တ​စီာ်​အ​ကျဲ​တ​ပွဲၤ​ပွဲၤ, ထဲၢ်​တဲၤ​အ​တ​အဲး​နီး​တ​ပွဲၤ နဳၤ, အ​က​အဲး​ဒဳၣ်​ချဳ​မၱာ် တဲၤ​က​ကၢ်​ဝဲၢ်​စ​ကီၢ်​လီၤ ရှံး​ဆဳး​လဳၤ​ကၱာ် က​ထၱး​လၤ​တ့ၢ်​နံၢ်​စဲာ်​ဒဳ ပဲာ်​လဲာ်​ထံ အ​လၤ​ယီၢ်​အ​ပူၤ​နဳၤ.

“​သံ​က​မဳၤ​စာ်​တဲၢ်. ပၠၤ​တ​ပွဲၤ​အ​သဳ​က​အီၣ် တ​က​ယဲၤ, ကၱာ် ဒီ​သဳ​တ​စီာ်​အ​ကျဲ​တ​ဒဳ​က​ဟဲး​ဖြီး​မၤ​ဒဳၣ်, စ​တ​လဲၢ်​လၤ​ကဲ​ဝှါ​လွံၢ်​သိး တ​ၡံ လွံၢ်​သိး​တ​ဒဳ ဒဳ​ခီး​လီ​ခဳး နဳၤ​နီး, ကၱာ်​စ​တ​လ့ၤ​ဝၢ်​လှဲး​က့ၤ​အ​ဟဲး​ဖြီး​တ​ဒဳ​နဳၤ နီး​ဧါ.