Popular Bible Verses from لوقا 14

Share

«هر کَسی با چِمِن وَر و اِشتَن دَده نَنه، ژِن و خِردَن، بِرا و خالا و حَتی اِشتَن جانی کا دَس مَپگِرِه، نیمَشا چِمِن شاگِرد بِبو.

کسی که اِشتَن عذابی صَلیبی مَپِگِرِه و چِمِن دومله ما، نیمَشا چِمِن شاگِرد بِبو.

چوم هَر کسی که اِشتَن یال آکَرِه خار بَبی، و هَر کسی که اِشتَن فروتن آکَرِه، سَر بِلَند بَبی.»

اِنتَه نی، اَگم هیچ گِله شِمَه کا، گِرد اِشتَن دارایی کا دَس مَپِگِرِه، نیمَشا چِمِن شاگِرد بِبو.

اَگم کسی شِمَه کا ایلَه بُرجی وَج آکَردِه فیکری کا بِبو، مَگم اوّل نِنِشه و چَیی خَرجی حساب کیتاب نِکَرِه که بِوینِه اِم کاری تَمون آکَردِه تَوانی هِستِشه یا نِه؟ چوم اَگم چَیی پاکاری بِنَه و دومله مَشا اَیی تَمون آکَرِه، هَر کسی که اَیی بِوینِه اَیی ریشخند بَکَردی، و بَواتی: ”اِم مِرد ایلَه کَ ایی وَج آکَردِه شروع كَردِشه، ولی نِشاستِشه اَیی تَمون آکَرِه.“‌

بَلکَم وختی میهمونی بَدایش، فَقیرون، اِفلیجون، شَلون و کورون دَعوت بِکَه که تِه بَرکت ویگِری؛ چوم اَوِن نیمَشان که چَیی عَوضی تِه آدَن، و تِه اَ روزی کا که صالِحِن زِنده آبون، اِشتِه کاری عَوضی ویگِری.»

«نِمِک چاکَ، امّا اَگم نِمِک اِشتَن مَزه از دَس بِدَه، چِنته بَبی هَنی اَیی سور آکَردِه؟ اَ، دِ، نِه خاکی را بِه درد بَردی و نِه کودی را؛ بَلکَم اَیی فِر آدَن. هَر کسی که دَرَسَه گوش هِستِشه، دَرَسِه!»