Popular Bible Verses from Luke 17

Share

အင်းမာ ရှမာရိ ပြည်သားလည် “နာန် ယုတ်ကဲ့ လာမ်စာ့ပ်။ နာန်ယုံကြည်လောကယ်မာ့ ဘုရားရှင်ငေါ် နာန်နယ် အနာရောဂါဖူမ် မီမ်ဟာမ်းစီမ်းပါတ်” ငေါကဲ့အယ် မိန့်နောမာ့။

အင်းမာဟီမ်ငေါ နီမ်နယ် ရာပ်အာလည် ခုနစ်ကြိမ် အမှားဟာမ်း အောမ်ရီး အကြိမ်တိုင်း နီမ်ပါအာ လီကဲ့အယ် တောင်းပန်နော်ဟေရမ်နော် ဟီမ်နန်း ခွင့်လွှတ်သောကဲ့အယ် အီထော်ပ်ကား” ငေါကဲ့အယ် မိန့်နောမာ့။

အင်းမာဟီမ်နာပ်ပါအာမာ့ ဟော်ဝါကော အနာရောဂါ မီမ်ဟာမ်းငါကာလည် မီမ်းဟော်ဝမ်စန်းနော ဘုရားရှင်နယ် ကလူပ်ကဲ့အယ် ချီးမွမ်းနောစာပ်ရယ် ကိုယ်တော်ပါအာ လီဟာမ်းမာ့။ အင်းမာနောက်သယ် ဟီမ်ငေါ ကိုယ်တော်ယေရှုကာ သာပဲရား ဝပ်သောကဲ့အယ် ကျေးဇူးတော်လည် ချီးမွမ်းနောမာ့။ အင်းမာဟီမ်ငေါ ရှမာရိပြည်သား ထာမာ့။

အင်းသယ် နီမ်ညီး ကိုယ်အောမ်ငါးဖူမ်နယ် သတိအောမ်ဟီးလိတ်။ တကယ်လို့ ငါလည် ယုံကြည်လောကား တီတ်ဆာဟော်ဝါဟော်ဝါကော အပြစ်ကြအာကြအာ အောမ်ပါတ်ပါပ်သော် ဟီမ်နယ် ဆုံးမလောလိတ်။ ဟီမ်နောင်တ လူဝါပ်သော် ဟီမ်ငါ အပြစ်ဖူမ်နယ် ခွင့်လွှတ်သောကဲ့အယ် အီရာမ်နိတ်။

အင်းမာအချိန်နယ် ကိုယ်တော်ယေရှုကော “အနာရောဂါ မီမ်ဟာမ်းငါးကော ဆယ်ယောက် ဟီပ်အိုလေး။ ကျန်နောကား ကိုးယောက်ကော တပါသယ်။

အင်းသယ် ကိုယ်တော်ယေရှုကော “ကမူမ်းတူတူညယ်ဟာ ယုံကြည်မှုငါမာ့ငေါက်သော် အင်းကာ့ ဖောမ်းတွန်တုန်နယ် တရှန်းပါအာအယ် ဟောက်ပူကဲ့အယ် ပင်လယ်ပါအာ တွန်နာလိတ် ငေါကဲ့အယ် အမိန့်အီရာပ်သော် အင်းမာဖောမ်းတွန်ငေါ် နာန်နယ် နာခံနောပ်ကာ။

ကိုယ်ကာအသက်သယ်ကယ်လောကာပ်ကာ ဟီမ်နာပ်ကော ဆုံးရှုံးနောဟီးထော်ပ်ကား။ အင်းညယ်ငေါဝမ်ရီ ငါကာအတွက်နဲ့အယ် ကိုယ်ကာ အသက်သယ် စွန့်လွှတ်သောကားဟီမ်နာပ်ကော နိစ္စထာဝရအသက် လူဟိကာ။

ကိုယ်တော်ယေရှုကော ဟီမ်ငါ တပည့်တော်လာပ်သယ် “တီတ်ဆာဖူမ်နယ် ဒုစရိုက်အပြစ်ဖူမ် အောမ်ပါတ်စီမ်းငါးအရာဖူမ် နည်းကြီစ်ရယ် ငါမာ့။ အင်းညယ်ငေါဝမ်ရီ သမီပ်သယ် အပြစ်အောမ်ပါတ်ကွန်းနယ် ဖြားယောင်းနောကား ဟီမ်နာပ်ကော နည်းကြီစ်ရယ် ဒုက္ခရောက်သော့ကာ။ အင်းမာဟီမ်ငေါ အပြစ်အပေါ်ကာတီတ်ဆာလည် ဒုစရိုက်အပြစ် အောမ်ပါတ်ကွန်းနယ် အောမ်ဟပ်ကားထက်သယ် ဟော်ဝါဟော်ဝါကော ဟီမ်ငါ ကတောက်သယ် သလောင်းဆီတုန်း ဆွဲလောကဲ့အယ် ပင်လယ်နား သက်ဆာမ်ငါမ်ငါးကော အင်းမာဟီမ်နန်း ပိုလောကဲ့ မီးနာပ်။

ဝေးအလွမ်းမိုးလောကြီစ်ရယ် နောဧa ခေတ်လားမာ့ တီတ်ဆာလာပ် လင်းဟီးရီကာအတိုင်း တီတ်ဆာကာ့ဆာ ပြန်နောကဲ့အယ် အကြွဟေဟော်ပ်ကာအချိန်နယ်ရီး တီတ်ဆာပ်လာပ်ကော လင်းဟိကာ။ ဝေးလွှမ်းမိုးလောနိုက်ပန်းသယ်မာ့ နောဧကော သင်္ဘောနား ဆာမ်ကဲ့အယ်လင်းငါးမာန်းရာပ် ထုတ်ကွန်းနယ် တီတ်ဆာလာပ်ကော ရောက်အာမ်၊ အူဝမ်၊ လက်ထပ်ပွဲအောမ်မာန်ညယ် ပုံမှန်အတိုင်း လင်းမီကယ်မာ့ ဝေးလွှမ်းမိုးလောကား ခံနောထော်ကယ်အယ် ဟီမ်နာပ်အားလုံး ရှီးဟီးဟူမ်မာန်ထော်မာ့။