Popular Bible Verses from Luke 22

Share

“အို ဖော့ဖရောဆန်၊ ဖော့ဖရောဆန် အလွိုတိုဆိယန် မကျော်မီအခှိင်တွမ်းမောင် ငေါ်ခေါင်စောယော့တို့မယ့် ဟော်ဒုက်ခေါ့ဆားရားတွို့ခေါ့နေ လွဂ်မွှောဂ်စေတိုမူပေါ်။ ဟော်ပေမယ့် ငေါ့ယယ့် အလွိုအတောင်းဖှဂ်စေတိုမူခှန်းမဟွိပယ်း ဖော့ဖရောဆန်ယယ့်အလွိုတို အတောင်းပယ်း ဖှဂ်စေတိုမူပေါ်” လွို့ဆုတွောင်းတိုမူရယ်။

ဟော်ပေမယ့်လယ်း ရှိမုန်၊ နန်တွို့ဟော် ယုန်ကျည်ခှန်း ခေါင်မှားကျော့စေဖွို့အတွ ငေါ်ဆုတွောင်းပေါ်ရယ်။ အယ်းယော်ကျွောင့် နန်တွို့ဟော် နွောင်တော့ယော့ပွီး ငေါ့ဆီကွို ပှန်လည့်လော်ကျော့ရယ့်အခေါ် ငေါ့ယယ့်အချောဆပယ့်တိုမျောကွို ငေါ့အပိုထောဆိရယ့်ဆူတွို့ယယ့် ယုန်ကျည်ခှန်းခေါင်မှားစေဖွို့အတွ တောဂ်တွမ်းကျော့ပေါ်” လွို့ မိင့်တိုမူရယ်။

တဖန် မွိကွိုယူပွီး ဖရောဆန်ယယ့်ကျယ်းဇူးတိုကွိုခှီးမွမ်းလောဂ်ပွီး ဆပယ့်တိုတွို့ကွို မွိကွိုဖဂ်ပေးလောဂ်ပွီး နန်တွို့ကွို ငေါ်ဟိုးခှန်တော်မောင် ဟော်မွိဟော် နန်တွို့အတွပေးဆောဂ်ရယ့် ငေါ့ယယ့်ခန်ဓော်ကွိုယ်ဖှဂ်ရယ်။ ငေါ့ကွို အွောဂ်မေ့ဆတိယော့ပွီး ငေါ်လုတ်ခယ့်ရယ့်အတောင်းဆဂ်ပွီး လုတ်ကျော့ပေါ်” လွို့ မိင့်တိုမူရယ်။

အယ်းနည်းအတောင်း ညော့စော်စောဆွောဂ်ပွီးနွောဂ်မောင် ကွိုယ်တော်ယေရှုဟော် စပျစ်ယေခွဂ်ကွိုကောင်ပွီး “ဟော်စပျစ်ယေဟော် နန်တွို့အကျွိုးအတွ ငေါ်လွောင်းပေးရယ့် ငေါ့အဆွီးတို‌ကွို ကွိုယ်စောပှုရယ်။

ကွိုယ်တော်ယေရှုဟော် ကော်တရော်ဝုန်းနယ်းပူဆွေးခှန်းတွို့နောင့် နော်ကျင်ခေါင်စောယော့ပွီး ပွိုပွီးစိအောဆန်ဆန်နောင့် ဆုတွောင်းတိုမူယော် ကွိုယ်တော်နောင်းခေါ့ ချွီးပွောဂ် ချွီးစမျောဟော် ဆွီးစ လွိုမျွိုး မှေကျွီးပိုကွို ကှော့တိုမူလေရယ်။

ဟော်ပေမယ့် နန်တွို့ဟော် အယ်းလူရယ်လွိုမျွိုး မဖှဂ်ဆန့်ကျော့ပေါ်။ အယ်းအစော နန်တွို့ထားခေါ့ အရယ်းအပေါ်ဆုန်းဆူဟော် အရယ်းမပေါ်ရယ့်ဆူလွိုမျွိုး နှိခှော့ပွီး ပှုမူနေထောင်ယော့မောင်ဖှဂ်ရယ်။ ခွေါင်းဆွောင်ဖှဂ်ဆူတောင်းဟော်လယ်း အချောဆူရယ်ကွို အစေခေါင်လွိုမျွိုး နိခှော့ပွီး အလုတ်အကျွယ်းပှုယော့မောင်ဖှဂ်ရယ်။

ကွိုယ်တော်ယေရှုခေါ့လယ်း “ပေတရု နန့်ကွိုငေါ်ဟိုးမယ်။ နွောဂ်တနေ့မောင် မနဂ်စိုးစိုးနေမထွဂ်မီအခှိင်ဖှဂ်ရယ့် ကျဂ်မတွမ်မီမောင်ပယ်း နန်ဟော် ငေါ့ကွိုမဆိဆပေါ်လွို့ ဆုန်းကျိင်တောင်တောင် ညမ်းလောဂ်မယ် လွို့ ငေါ်အဆေအချော်ဟွိုးနောင်ရယ်” လွို့မိင့်တိုမူလေရယ်။