Popular Bible Verses from Luke 19

Share

လူဆောတိုဖှဂ်ရယ့်ငေါ်ဟော်လယ်း ဖရောဆန်နောင့် ဝီးကွာနေကျော့ရယ့်ဆူရယ်ကွို ချော်ဖွယ်ပွီး ပှဂ်ဒေါင်ပေးခေါင်ယော့ခှန်းခေါ့နေ ကာတန်ဖွို့အတွ ဟော်လိုးကော့ကွိုကျို့လော်ခှန်းဖှဂ်ရယ်” လွို့ မိင့်တိုမူရယ်။

“ဖရောဆန်ယယ့် အခွမ့်အော်နော်နောင့် ဆန်ဘရန်အဖှဂ် ကျို့‌ယွောဂ်လော်တိုမူရယ့် ကွိုယ်တော်ဟော် ကွောင်းကျွိုးချောင်းဆော်မျောယော့ဆိပေါ် စေ။ ဆွယ်မွှို့တိုမောင်ဆိရယ့် ဖရောဆန်ဟော် ညိင်းခှောင်းခှန်းဆိပေါ်စေ။ ဆွယ်မွှို့တိုမောင်ဆိရယ့် ဖရောဆန်ယယ့် ဖုန်းတခွိုးတိုဟော်လယ်း ထွမ်းလန်းပေါ်စေ” လွို့ အိုဟဂ်ခယ့်ကျော့လေရယ်။

အယ်းနွောဂ် ကွိုယ်တော်ယေရှုခေါ့ ဇက္ခဲကွို “နန်ဟော် အာဗြဟံယယ့်မျွိုးဆဂ်ဖှဂ်ရယ့်အတွကျွောင့် ခုနေ့ခေါ့စော့ပွီး နန်နောင့် နန့်မွေ့ဆောစုတစုလုန်းဟော် ဖရောဆန်ယယ့် ကာတန်ခှန်းကွို ခေါင်ယော့ပွီဖှဂ်ရယ်။

ကွိုယ်တော်ယေရှုဟော် အယ်းနေယော်ကွိုယွောဂ်ရယ့်အခေါ် သဖန်းပန်ပိုကွိုမော့ကျေ့ပွီး “ဇက္ခဲ၊ ခုညော့နန့်အိင်မောင် ငေါ်တည်းခွိုမယ်ဖှဂ်ရယ့်အတွ အမှန်ဆန်းလော်ပေါ်” လွို့ မိင့်တိုမူရယ်။ အယ်းယော်ကျွောင့် ဇက္ခဲခေါ့လယ်း သဖန်းပန်ပိုခေါ့ အမှန်ဆန်းလော်ပွီး ကွိုယ်တော်ယေရှုကွို ဆူ့ယယ့်အိင်ကွိုခိုဆိုးပွီး ဝုန်းမွှောဂ်ဝုန်းဆော် ကျွိုဆွိုလေရယ်။

အယ်းနွောဂ် ဇက္ခဲဟော် မတ်လောဂ်ပွီး ကွိုယ်တော်ကွို “နောထွောင်တိုမူပေါ် ကွိုယ်တော်၊ ငေါ်ပေါင်ဆောင်ရယ့် ပစ္စည်းဥစ္စော်တဝဂ်ကွို ဆားရားနွမ်းပေါရယ့်ဆူရယ်ကွို ပေးပေါ်မယ်။ အယ်းအပှင် လူရယ်နောင်းခေါ့ မတရောကွောဂ်ခေါင်ယော့ယူထောရယ့် အခွန်ငွယ်မျောကွိုလယ်း အယ်းလူရယ်ဆိခေါ့ ယော့ယူထောရယ့်ပမော်နော့ထဂ် လေးဆော့ပှန်ပေးလောဂ်ပေါ်မယ်” လွို့ ရွှောဂ်တန်လေရယ်။

အယ်းအခေါ် လူအုတ်ထားခေါ့ ဖာရိရှဲတခှို့ဟော် ကွိုယ်တော်ကွို “ကွိုယ်တော်၊ ကွိုယ်တော်ယယ့်ဆပယ့်ရယ်ကွို တိတိဆိဆိနေကျော့ဖွို့ အမိင့်ပေးတိုမူပေါ်” လွို့ရွှောဂ်ကျော့လေရယ်။ ကွိုယ်တော်ယေရှုခေါ့ ဆူတွို့ကွို “နန်တွို့ကွို ငေါ်ဟိုးယော့ယန် ငေါ့ယယ့်ဆပယ့်တိုရယ်ခေါ့ ငေါ့အတွခှီးမွမ်းကြွေးကျိုခှန်း မပှုကျော့ယန် ကွှောဂ်ခါးမျောကော့ ခှီးမွမ်းကြွေးကျိုခှန်း ပှုကျော့လောဂ်မယ်” လွို့မိင့်တိုမူလေရယ်။