Popular Bible Verses from LUKAS 11

Share

Jari ampa kau tudaa intu sipa'na ngisse' assare ri ana'mu nubaji', la'bipa pole Ammammu Turie' injo ri Suruga! Ia laassare Nyaha Tangkasa mange ri tungera injo ri Ia.”

Injomo saba'na, Nakke appau mange ri kaui: Ngerako, larisareko; a'bojako, languppako; akkatto'ko jari ripambungkarangko pallo'bi'.

Saba' inai ngera, larisare na inai a'boja, languppai; na inai akkatto', ripambungkarangi pallo'bi'.

Pappihalinna Isa mange ri iyai, ”Ampa langera dowaangiko, paui appakonni: Amma, ripakatangkasai aremMu: rie'mu PakkaraengamMu.

na riampungi sikuanna kadorakaamba, saba' manna kambe taampungi todo'i sikuanna tau rie' injo salana mae rikambe; na andakang rilappasang laantama' ripasso'ri.”

Sarekang kanre siganna'na allo bangngi

Matammu intu iamo sulo ri batangkalemmu. Ampa baji'i sipa'na matammu, sinarai intu batangkalemmu, mingka ampa daa sipa'na matammu, kalammangi intu batangkalemmu.

”Gele rie' manna se're tau appabola' sulo na lataroi ri siring sapo iyareka latongko'i talle, mingka lataroi rate ri panaroanna, solanna sikuanna tau antama', akkulle lajanjang saunna.