Popular Bible Verses from لوقا 3

Share

وخدی گه مردِم کُل، تیَمیدونَ مَگِرت ئو عیسی‌یش تیَمید گِرتوئیتی ئو دوعا مَهَردی، آسمو تاقا بی ئو روح‌القدس وَه شکِل جسمونی، چُی کموتری هاتَ هُار ئو نیشت اَرسر او، ئو دَنگی اژ آسمو رَسی گه «تو کُر عزیزگرامی مِنین ئو تو فِرَه وَه دل مِنین.»

جوواو یحییَ کُل اونَل یَه بیَ: «مِنَ آو تیَمیدتونَ میَم، مِنتائای کسی تَوُناتِر اژ مِنَ مای گه مِه جُ‌جُ لائق نیِم بَن کِلاشَل واز کَمی. او وَه روح‌القدس ئو آگِر تیَمیدتونَ مِ.

اِسَه کارَلی بِهَن گه نِشو دِ توئَه‌تو کِردیَ ئو وَه لا ووژتونا نوشِن: ”باوَه ایمَه ابراهیمَ.“ اَرِیَگه موشِم‌ئونتو، خدا مَتونی اژ ایی کُچِکِلَ آیلَلی اَرِه ابراهیم دُریس کِ.

هَراِسگِه‌یشَ تیشَه نیریاس اَر ریشی دارَل. اِسَه هَر داری گه ثمر خو ناری، مُئرِنی ئو ماوژِنی اِنوم آگِر.»

هُنَ گه اِبارَه یَه اِنوم کِتاو اِشعیا پِخَمَر هاتیَ گه: «دَنگ اَوَه گه اِنوم بیاوونَ مَقارونی، ”رئی خداون آمادَه کَن! ئو ریئَل او راس کَن! کُل تنگَل پِر ئو کُل کَش‌وکویَل، هُمارا ماو؛ ریئَل هویَل، راس ئو ریئَل چالی‌پُلوقی، صافا موئن. ئو کُل آمَل نجاد خداءَ موئینِن.“»