Popular Bible Verses from یوحنا 14

Share

اَرِه هُمَه سِتارَ مِیلِمَ جا؛ سِتار ووژمَ میَمَ بینتو. اَ چیئَه گه مِنَ میَمَ بینتو، اِجور اَ سِتاری نیَ گه دنیا مِئَه بینتو. سِتار اژ دلتو نُئِری ئو هِراسو نوئن.

عیسی وِتیَ توما: «مِنِم رئی، مِنِم حخیخت، ئو مِنِم ژییاین؛ هُیچ کس نِمای اَرِه تک باوَه مَر وَه‌سونگَ مِنا.

«سِتار اژ دلتو نُئِری. ایمونتون اَر خدا داشدوئی؛ ایمونتون اَر مِن‌یش داشدوئی.

مِنتائای اَ هِنارَسَ، یانی روح‌القدس، گه باوَه وَه نُم مِه کِلَ‌مِهِیتی، او کُل چی تیَلیمتونَ مِ ئو هرچی گه مِه وِتمَ بینتو، ماریَ ویرتو.

اَوَه گه حکمَلِم دیری ئو ماریون‌َ جا، اَوَه‌‌سَ گه مِه دوس دیری، ئو اَوَه گه مِه دوس دیری، باوَه‌م دوس دیرِتی ئو مِن‌یش دوس دیرِمی، ئو ووژِم اَری ظاهرَ مَهَم.»

ئو مِه اژ باوَه‌مَ مِ ئو، او هِنارَسی‌تِرَ مِئَه بینتو گه هَر وَه‌گَرد هُمَه بو، یانی روحِ حخیخت گه دنیا نِمَتونی بِچوتی‌ِ گِرد، اَرِیَگه نه اوءَ موئینی ئو نه مَشتاسِتی؛ مِنتائای هُمَه اوءَ مَشتاسینو، اَرِیَگه اَر تک هُمَه لیزَ مَگِری ئو مَمینی اِنوم هُمَه.

ئو هر چَتونی وَه نُم مِه بِ، اَنجومَ میَمی تاگَه باوَه اِنوم کُر جِلال بِگِری. اَرّ چیتونی وَه نُم مِه اژ مِه بِ، اَوَه اَنجومَ میَم.

«اَرّ مِه دوس دیرینو، فِربونَلِم بارِنَ جا.

اِنوم مال باوَه آسمونی مِه جا فِرِهءَ، اَرّ هُنَ نوئیا موئِتِم بینتو مَچِم تاگَه جای اَرِه هُمَه آمادَه کَم.

ئو هر وخد چِم ئو جامی اَرِه هُمَه آمادَه کِرد، اِدوارَه مام ئو هُمَه میَرِم اَرِه تک ووژِم، تاگَه اَر اورَه گه مِه هم، هُمِه‌یش بوئینو.

توما وِتَ بی: «آقا ایمَه جُ‌جُ نِمَذانیم مَچین اَرِه کو، اَسَه چطورَ مَتونیم رئیِهَه بِذانیم؟»