Popular Bible Verses from لُوقَا 9

Share

و قال لِلكُل: ”إذا كان زول داير يَجي وَراي، خَليهو يَنكِر نَفسو و يَشيل صَليبو كُلّو يوم و يَتبَعني.

عَشان كُل الدّايِر يَخَلِّص نَفسو يَوَدِّرو، و كُل اليَوَدِّر نَفسو عَشانّي يَخَلِّصو.

لَكِن يَسُوع قال ليهو: ”ما في زول البِخُت إيدو عَلى المِحرات و يَعايِن لِوَرا، عِندو فايدَه في مَلَكوت الله.“

و الفايدَه شِنو إذا الزّول لِقى الدُّنيا كُلَّها و وَدَّر نَفسو ولّا خِسِرا؟

عَشان إذا واحِد يَكون خَجلان مِنّي و مِن كَلامي، إبن الإنسان بِكون خَجلان مِنّو وَكِت ما يَجي في مَجدو و في مَجد الأبو و المَلائكَه المُقَدَّسين.

و يَسُوع قال ليهو: ”التَّعالِب عِندَهُم مَحَلّات النّوم، و طُيور السَّما عِندَهُم عِشاش. لَكِن إبن الإنسان ما عِندو مَكان عَشان يَخُت رَاسو فوقو.“

و قال ليهُم: ”البِقبَل الوَلَد دا بِإسمي، بِقبَلني. و البِقبَلني، بِقبَل الرَّسَّلني. عَلى كِدا، الأصغَر فيكُم، دا هو الكَبير.“