Popular Bible Verses from لُوقَا 8

Share

و الفي الأرض الكوَيسَه، هُم البِقَلِب كوَيس و صالِح، بَعَد ما سِمِعو الكِلمَه، يَحفَظوها، و يَجيبو ثِمار بِالصَّبر.

و التّيراب الوَقَع وَسِط الشّوك يَعني ديل اليَسمَعو. لَكِن لَمّا هُم بِمشو في طَرِيقُم، أفكار في حاجات الدُّنيا و أموالا و سُرورا يَمسِكو بيهُم، و ما يَقدَرو يَجيبو ثِمار.

و ديلاك العَلى الحَجَر، هُم البَعَد ما سِمِعو، يَقبَلو الكِلمَه بِفَرَح. و ديل ما عِندَهُم عُروق، اليأَمِنو لِمُدَّه، و وَكِت التَجرِبَه، يَرجَعو.

و قال ليهُم: ”إيمانكُم وين؟“ و خافو و إتعَجَّبو، و قالو بَعضَهُم لِبَعض: ”دا هو مِنو اليأمُر الهَبوب و المويَه حَتّى يَطيعوهو؟“

و ديلاك العَلى الطَّرِيق، هُم السِّمِعو. و بَعدين إبْلِيس يَجي و يَشيل الكِلمَه مِن قُلوبُم، عَشان ما يآمِنو و يَخلَصو.

و ما في شي مَدسوس الما بِكون باين، و لا في شي سِرّي الما بِكون مَعروف و ما بِظهَر.

و لَمّا المَرَه شافَت إنَّها ما إندَسَّت، جات تِتهَزَّ. و وَقَعَت قِدّامو، و كَلَّمَتو قِدّام كُل النّاس عَشان شِنو لِمسَتو، و كيف بِقَت طَيبَه طَوّالي. و قال ليها: ”يا بِتّي، إيمانِك شَفاكي. أمشي بِالسَّلام.“

و جو ليهو و قَوَّموهو مِن النّوم و قالو: ”يا مُعَلِّم، يا مُعَلِّم، نِحنا ماشين نَموت!“ و قام مِن النّوم و وَبَّخ الهَبوب و أمواج البَحَر. و الهَبوب سَكَتَت، و كان في سُكوت.