Popular Bible Verses from John 19

Share

þa se hælend gefeng þas aisiles þa cwæð he. hyt ys geendeð ⁊he ahelte his heafod ⁊agef his gast.

Æfter þison þa se hælend wiste þæt ealle þing wæren geendode. þæt þæt halige writ wære gefylled. þa cwæð he me þyrst.

Þa se hælend geseah his moder ⁊þane leorningcniht standende þe he lufede. þa cwæð he to his moder. Wif her is þin sune. Eft he cwæð to þam leorningcnihte. her is þin moder. Ænd of þare tid; se leorningcniht hye nam to hym.

Ða hye to þam hælende comen ⁊geseagen þæt he dead wæs; ne brecan hye na his scanken. Ac an þare kempena geopenede his side mid spere ⁊rædliche þær fleow ut blod ⁊wæter.

Ðas þing wæren geworðan þæt þæt gewrit wære gefylled. ne forbreke ge nan ban on hym. hyo gesæwen on hwane hyo onfæstneden.

⁊bæren hys rode mid hym on þa stowe þe ys genemned heafodpanen stow ⁊on hebreisc golgotha.

⁊þa þeignas wunden þernenne kenehelm ⁊asetten hine on hys heafod. and screddan hine mid purperan reafe.