Popular Bible Verses from ARING KELESING 39

Share

Bi Tuhan aleng masi Yusuf, iha' pah ji kelunan aleng deng té' urip na', iha' pah té' murip dahin laké' aya' Mesir aleng ala iha' anak na' anan.

Lim-lim ketanun na' en na' nyihu Yusuf tua aleng gem na', nusi' nah tusah iha' pelemana' nun-nun la'an, bi ket aleng en na' kani dep kah aleng en na' pelemana'.

Avin anan Yusuf nah aleng dekaya' puboh daha' lim aleng té' alem jin anan, hu'en laké' kepala' aleng jaga uma jin anan. Lim-lim hadui aleng en daha' na alem uma anan, Yusuf nah aleng petmei na'.

Yusuf pah pelalau en na' apuh metei iha' alem uma jin ha' ngavan laja' metei daha' aleng jin. Nunan nah tuk na' Yusuf en daha' tei alem jin. Bi Tuhan pa'en té' dahin Yusuf. Iha' pah pa'en bara halam Na' dahin teneng Na' men Yusuf. Nyalam lelan pah laké' kepala' aleng gem uma jin anan té' Yusuf.

Té' pa Yusuf nan tagep lan batung na' dahin sukup kajau layan na' lahuh. Beka' ji hangun tegu doh laké' aya' na' anan nyineng Yusuf, ngivah nah iha' jam iha', pelalau ha' kuma' men iha', “Sayu im nei tudu dahik si',” ken na'. Bi Yusuf duyah, iha' ha' kuma' men doh laké' aya' aleng ala iha' anan, “Akui aleng masi tamak dih, nusi' nah té' ha' tusah puboh ket aleng alem uma anih la'an, avin iha' uh ma'uk lim-lim ketanun na' alem usu kui, té' alem uma anih pah nusi' nah iha' dekaya' hadui na' la'an men'uh akui, lim-lim ket aleng ha' béh uh na' uk akui lim, ja kui puboh na', bi nusi' ha' ma'uk ika' men akui avin ika' hawan na'. Seng nuno' kurim du, seng deng kui na ket aleng huwi ji'ek nunan dahin na sala ha' unan Allah kurim iah?”

Ji dau ji hangun tei nah Yusuf huma dawa' na hadui na', ji-ji la'ung pah em té' alem uma anan melo'. Pelalau doh anan gem basung Yusuf, kuma' men iha', “Nei nah im tudu dahik.” Bi Yusuf melek basung na' aleng en doh anan gem anan, pelalau tei lap hawang.