Popular Bible Verses from ማርቆሳ ምሽራቹዋ 13

Share

አሳይ ኡባይ ህንተንታ ታ ሱን ድራዉ እጻና፤ ሽን ዉርሰይ ጋካናዉ ገንጭያዌ አታና።

ሄ ዎዲ አዉደ ግዳነንቶ፥ ህንተ ኤረና ድራዉ፥ ናገትተ፤ ምንተ፤ ጾሳ ዎስተ።

ኡንቱንቱ ህንተንታ ፕርዳ ጎለ አህያ ዎደነ አደ እምያ ዎደ፥ ዎት ሃሳያንተንቶ ኮይሮና ህርጎፕተ፤ ሄ ሳትያን ጾሳይ ህንተንቶ እምያባ ሃሳይተ። አያዉ ጎፐ፥ ጌሻ አያናይ ሃሳያናፐ አትን፥ ሃሳይያዋንቱ ህንተንታ ግድክታ።

ሳሉነ ሳአይ አና፤ ሽን ታ ቃላይ ኡባካ አና።

ሽን ሄ ጋላሳነ ሄ ሳትያ አዉዋ ጻላላፐ አትን፥ ሀራይ አቶ ሳሉዋን ደእያ ኪታንቻቱዋ ግድና፥ ዎይ ታና ናኣ ግድናካ ኦንነ ኤርያባይ ባዋ።

ማታን ደእያ ኦላ ኮሻነ ሃኩዋን ደእያ ኦላ ኦዱዋ ህንተ ስስያ ዎደ፥ ህርጎፕተ፤ ሄዋ ማላባይ ሀናናዉ በሴ፤ ሽን ዉርሰይ ብራ።

ሄዋ ድራዉ፥ ምንተ፤ አያዉ ጎፐ፥ ጎልያዉ ኦማርሳ ግድና፥ ዎይ ቃማ ብላሄ ግድና፥ ዎይ ኩቱ ዋስያ ዎደ ግድና፥ ዎይ ጉራ ዎንቱማን ግድና አዉደ ያነንቶ፥ ህንተ ኤርክታ። ህንተንቱ አኬከናን እ ዮፐ፥ ህንተንታ ገምእሼዳዋንታ ደመና ማላ ምንተ። ታን ህንተንቶ ኦድያዋ አሳ ኡባዉ ኦዳይ፤ ምንተ።

አያዉ ጎፐ፥ እት ጋደ አሳይ ሀራ ጋደ አሳና ኦለታና፤ ቃይ እት ካዉተይ ሀራ ካዉተና ኦለታና፤ ቢታ ቃይ ኡባ ሳን ደአና፤ ኮሻይካ ደአና፤ ሽን ሄዌ ኮይሮ የሉዋ ኦይ ማላ።

ምሽራቹዋ ቃላይ ኮይሮና አሳዉ ኡባዉ ኦደት ድጋናዉ በሴ።

ጮራ አሳቱ ታ ሱንን፥ “ታን ክርስቶሳ” ያጊደ ያናዋ፤ ጮራ አሳ ባለና።

ሽን ህንተ ህንተንቱ ሁጰዉ ናገትተ፤ አያዉ ጎፐ፥ አሳይ ህንተንታ ኦይቂደ፥ ፕርዳ ጎለዉ አደ እማና፤ ቃይ ባረ አይሁዳ ዎሳ ጎለቱዋንካ ህንተንታ ልሱዋን ሾጫና፤ ጋድያ ሞድያዋንቱ ስንንነ ካታቱዋ ስንን ታ ድራዉ ህንተ ማርካታናዉ ኤቃና።

አያዉ ጎፐ፥ ዎርዳንቻ ክርስቶሳቱነ ዎርዶ ናባቱ ደንዲደ ባረንቶ ዳንዳየቶፐ፥ ሀራይ አቶ ጾሳይ ዶሬዳዋንታካ ባለናዉ ማላታነ ማላልስያባ በሳና።

ሽን ሄ ዎደ ሄ ዋይያፐ ጉይያን፥ አዋይ ማና፤ አገናይ ፖእያዋ አጋና፤ ጾልንታቱ ሳሉዋፐ ኩንዳና። ቃይ ሳሉዋን ደእያ ዎልቃቱካ ቃጸታና።