Popular Bible Verses from Exode 16

Share

A ndohi Israel ta gada ta: Dara nga da mbazla nga te ri Ndo nzi pèc pècèk te kokwar Egypte, a sam man nga ngots zluèɗ a skwi nʼndai a vata. Kin helka nga auda a hèshèkèɗ, aman ndohi tèlèba ta tiɗè ta a mai. A Ndo nzi pèc pècèk a ngaɗa na Moise: Na haha i woy man a i va kinè movar man a shkèhai te zhiklè ara iyam, a ndohi ta dè auda a pèc pècèk, aman ta ɓicè skwi nʼndai man ta ndiaʼa a pats sa. I woya man i jkede ta a i rka, gar ta jèjèr ma ga, gar ta woya Bai.

A nhèyè ndohi Israel tèlèba ta ga na ma a va Moise a Aaron tʼhèshèkèɗ.

A Moise a ngaɗa ta a vaʼa: Ndo nzi pèc pècèk a da va kinè zluèɗ a dakwaɗ, a movar a prèk, a kin ngézhè. Aman Ndo nzi pèc pècèk a ntsena ara man kin ga na ma a va. Aman nga, nga be wa? Ma ndav kinè man kin gi a haha, kin gu a nga ka ɓai, kin ga na Ndo nzi pèc pècèk.

I tsena ma ndav ndohi Israel. Gada ta aranta: A dakwaɗ kin da ndi zluèd, a prèk movar, a kin ngézhè, a kin da suna, iyè Ndo nzi pèc pècèk, Zhiklè kinè.