Popular Bible Verses from Marko 13

Share

Mwisakubengigwaga nabandu bosa panongwa ya ngamu yangu; loli yuyo linga ikumilisya ukufika kubumalikisyo, yo isakupokigwaga.

Mwandege muye maso! Buno mukakamanya akabalilo ukuti kisakuyaga ndili.

Linga bikubatwala nukubabika mbulongi, mungisakwiyalilaga ngani isi mwisakwakuyobaga, loli syosa isi mwisakupegigwa nkabalilo kalakala syo mukayobege; namanga mukaya yo umwe mwe mukwakuyobaga, loli yo Mbepo Mwikemo.

Ikya kumwanya nikya pasi fyo fisakuyongaga, loli amasyu gangu go gatisakuyongaga.

“Loli isya isiku lilalila, nakabalilo kalakala, nayumo umundu akasimanya, bope nabandumi ba kumwanya, nalinga yo yu Mwana, loli mwene yu Gwise.

Linga mukupilika isya bwite nutupango twa bwite, mungisakunyomokaga; syo fikuti sisege sisisi, loli bukaya bo bumalikisyo.

Muyege maso lelo; papo mukakamanya akabalilo aka umwenenyumba ikwisilaga, kali namayolo, pamo pakilo pakati, pamo bo ingongobe sikukolela, pamo nulubunju; ukuti angisakubambulania itolo bo ikwisa, nukubaga muli ntulo. Isi nikubabula umwe, syo nikubabula bosa; Amuyege maso.”

Namanga ikikolo kisakukisambukilaga ikikolo ikinene, bope nubunyafyale bwisakubusambukilaga ubunyafyale ubunine; twisakuyangako nutusenyenda utu na utu, ninjala yope yisakugwaga, bububu bo bwandilo bwa kukubilwa.

Loli fikuti Inongwa Inunu silumbiligwege tasi mfikolo fyosa.

Bingi bisakwisilaga mungamu yangu, bisakutigi, ‘Une ne yuyo,’ nukubasofya ba bingi.

“Loli mwandege mwiketege. Buno bisakubabikaga pabulongi, mwisakukomigwaga nnyumba syakwiputilamo, kangi mwisakutwaligwaga nkyeni mbalindililakisu na mbanyafyale panongwa yangu, ukuti luyege lo lusisimikisyo kumyabo.

Buno bisakusumukaga bakristi ba butungulu, nabasololi ba butungulu, bisakupelaga ifika nifiswigu, ukuti linga sibagile babasofyege nabasaligwa.

“Loli mmasiku gago bo bukindile ubutolwe bula, ilisuba lisakwinaga, numwesi gutisakubala; syope nindondwa sisakugwaga ukufuma kumwanya, gope namaka aga galikumwanya gisakuyunganikaga.