Popular Bible Verses from LUKA 9

Share

Popapo alinkubabula bosa alinkuti, “Gwesa uyu linga ikulonda ukwisa munyuma mmyangu, yo fikuti ikanege mwene, apimbege ikipingika kyake bwila, angongege.

Namanga uyu linga ikulonda ukubuponesya ubumi bwake, yo isakubutagaga, loli uyu linga ikubutagila ubumi bwake mmyangu, yo isakubuponesyaga.

Umwene Yesu alinkumbula alinkuti, “Uyu ikuketa kunyuma bo abikile ikiboko kyake pikumbulu, yo akabagila mbutwa bwa Kyala.”

Kali po akabaga fiki umundu linga akikabaga ikisu kyosa, bo itagile nukwipesya mwene?

Buno uyu linga ikuya nisoni kumyangu na kumasyu gangu, yo uyu Nnyamundu isakuyaga nisoni kumyake, bo ikwisa mbukulumba bwake, nubwa Gwise, nubwa bandumi abikemo.

Umwene Yesu alinkumbula alinkuti, “Abakambwe bali nimina, ninjuni sya kumwanya sili nififumbwa, loli Nnyamundu akaya napo pabulambaliko untu.”

Popapo alinkubabula alinkuti, “Gwesa uyu ikumwambilila umwanike uyu mungamu yangu, yo ikunyambilila une; kangi gwesa uyu linga ikunyambilila une, yo ikumwambilila uyu andumile une; namanga unnandi nkati mmyinu, yo nkulumba kuli mwesa.”