Popular Bible Verses from LUKA 6

Share

Amupege po nanumwe Kyala isakubapaga; ikigelelo ikinunu ikikanyisye, ikisukanie iki kikulefuka, kyo mwisakwambililaga mfimpagato fyinu. Namanga ikigelelo iki mukubagelela abangi kyo mwisakugeleligwaga kikyo nanumwe.”

Umundu unnunu ikusosya ubununu ukufuma mununu isi siswile mundumbula yake; yope numundu umbibi ikusosya ububibi ukufuma mumbibi isi alundike; namanga isi sikulefuka mundumbula, syo isi sikusoka nkanwa mmyake.

Loli amubaganege abalugu binu, mubombege inunu, kangi mubakopelege kisitakusubila ukukabako fimo; po ifihombigwa fyinu fikuyaga fingi, kangi mwisakuyaga bana ba yu Nkinde, namanga umwene mololo kubasitakugwa ulupi na kubabibi.

Amuyege nikibabilisi, bo apa uGwisemwe ali nikibabilisi.

“Mungabalongaga abangi ukuti nanumwe Kyala angisakubalongaga. Mungabayobaga abangi ububibi ukuti nanumwe Kyala angisakubayobaga ububibi. Mubahobokelege abangi po nanumwe Kyala isakubahobokelaga.

“Loli umwe mwe mukumbilika une nikubabula nikuti, amubaganege abalugu binu, mubabombelege inunu babo bababengile umwe, amubasayege aba bikubaguna umwe, nukubiputila aba bikubabombela imbibi.

Bo mumo mukulonda ukuti abandu bababombelege umwe, mo mubabombelege mumo nanumwe.

Uyu linga ikukukoma palusaya lumo, yo umpege nulunine, yope na uyu linga ikupoka ikilundo kyako, ungakanilaga na gu nselekesye. Gwesa uyu linga ikukusuma yo umpege, kangi uyu linga ikupoka ifyako yo ungammelelaga.

“Namanga gukayako umpiki unnunu ugu gukupa iseke imbibi, kangi gukayako umpiki umbibi ugu gukupa iseke inunu.

Buno umpiki gosa abandu bikugumanyilaga museke syake, namanga mmifwa nayumo atikutungulamo iseke sya nkuyu, kangi mmitulatula nayumo atikutungulamo amafilu.