Popular Bible Verses from Иоанн 15

Share

Мон – Пуд, тӥ – вайёсыз; кин Монэн улэ, Мон но со бордын улӥсько, со трос емыш вае; Монтэк номыр но лэсьтэмды уг луы уго.

Мон бордын улэлэ, нош Мон тӥ бордын уло. Кызьы улвай пуд бордын ӧз ке улы, ас понназ аслаз емыш ваемез уз луы, тӥ но озьы ик, Мон бордын ӧд ке улэ.

Мон бордын улӥды ке, Мынам кылъёсы тӥ бордын улӥзы ке, соку тӥ, мае куремды потэ, курелэ, – тӥледлы сётэмын луоз.

Тӥ Монэ ӧд быръе, Мон тӥледыз бырйи: тӥ мед мыноды но емыш мед ваёды, тӥляд емышты бырисьтэм мед луоз. Соку Мынам нимыным мае гинэ Атаелэсь уд куре, Со тӥледлы ваньзэ сётоз.

Кин аслэсьтыз лулзэ аслаз эшъёсыз понна сётӥз ке, солэсь но бадӟымез яратон ӧвӧл ни.

Мынэсьтым котькудзэ емыш сётӥсьтэм вайме Со ӵогыса куштэ; эшшо но тросгес емыш мед сётоз шуыса, котькуд емыш вайись ваез Со сузя-вандылэ.

Яратэлэ огдэс огды, кызьы Мон тӥледыз яратӥ, – та луэ Мынам курон-косонэ.

Тӥ трос емыш вайиды ке, Мынам дышетскисьёсы луиды ке, соин Мынам Атае данъямын луоз.

«Мон – зэмос Виноградпуд, нош Мынам Атае – Виноград Будэтӥсь.

Кин ке Мон бордын ӧз улы, со улвай кадь ик педло куштэмын луоз, отын со куасьмоз; нош сыӵе вайёсты бичало но тыл пӧлы куштыса суто.

Тае Мон тӥледлы соин верай: Мынам шумпотонэ тӥ бордын мед улоз, тӥляд шумпотонды пачыласа мед улоз.

Мынэсьтым курон-косонъёсме быдэсъяды ке, Мынам яратонам улоды. Уго Мон но Аслам Атаелэсь курон-косонъёссэ быдэсъяй но соин ик Солэн яратоназ улӥсько.

Тани таӵе Мынам тӥледлы курон-косонэ: яратэлэ огдэс огды.

Тӥ та дуннелэн адямиосыз луысалды ке, дунне тӥледыз аслэсьтыззэ кадь яратысал. Тӥ дуннелэн ӧвӧл бере, нош Мон тӥледыз дуннеысь бырйи, соин ик дунне тӥледыз адӟемпотостэм каре.