Popular Bible Verses from Иоанн 14

Share

Тӥледлы каньыллык кельтӥсько, Аслэсьтым каньыллыкме тӥледлы сётӥсько: Мон тӥледлы озьы уг сётӥськы, кызьы дунне сётэ. Тӥляд сюлэмды ӝоже медаз усьы, медаз но курда.

Иисус солы шуиз: «Мон – сюрес но, зэмлык но, улон но; Мон пыр сяна нокин но Атай доры уг лыкты.

«Тӥляд сюлэмды ӝоже медаз усьы; Инмарлы оскыса, Мыным оскыса улэ.

Нош Буйгатӥсь, Святой Дух, Кудзэ Атай Мынам нимыным ыстоз, тӥледыз котьмарлы но дышетоз. Мае Мон тӥледлы верай, ваньзэ тодады вайытоз.

Кин Мынэсьтым курон-косонъёсме кабыл басьтэ но соосты быдэсъя ке, со Монэ яратэ. Нош кин Монэ яратэ, сое Мынам Атае но яратоз. Мон сое ярато но солы Ачим возьматско».

Мон Атаелэсь куро но, тӥледлы мукет Буйгатӥсез сётоз, Со пумтэм дауръёс ӵоже тӥледын валче улоз, – Зэмлыклэсь Духсэ, Кудзэ дунне кабыл басьтыны уг быгаты, малы ке шуоно Сое уг адӟы, Сое уг но тоды; нош тӥ Сое тодӥськоды, уго Со тӥледын улэ, тӥ бордын ик улоз но.

Мынам нимыным Атайлэсь мар гинэ уд куре, ваньзэ сое быдэсто. Озьы, Пи пыр Атай данэ мед потоз. Мынам нимыным мар гинэ уд куре, ваньзэ Мон быдэсто.

Монэ яратӥськоды ке, Мынэсьтым курон-косонъёсме быдэсъялэ.

Мынам Атаелэн юртаз трос улон интыез; озьы ке ӧй луысал, Мон тӥледлы шуысал: ”Мон тӥледлы инты дасяны мынӥсько”.

Нош мыныса тӥледлы инты дасяй ке, берен лыкто но тӥледыз Ас дорам басьто, – кытын Мон, тӥ но отын мед луоды.

Фома Солы шуиз: «Кузё-Инмаре! Ум тодӥське, кытчы мынӥськод, сюресэз но кызьы тодыны быгатӥськомы?»