Popular Bible Verses from Лука 8

Share

Нош ӟеч музъеме усемез – со сыӵеос, кинъёс Инмар кылэз кыло но лякыт, чылкыт сюлмазы возё, чиданэнызы емыш ваё». Тае вераз но бадӟым куараен шуиз: «Кылыны пельыз вань мурт – мед кылоз!

Бышкись будосъёс пӧлы усемез – со сыӵеос, кинъёс кылэз кылзо, но сюлмаськонъёсын, узырлыкен, майбыръяськыса улонэн нюртӥсько, соин ик емыш уг ваё.

Из вылэ усемез – со сыӵеос, кинъёс кылэз кыло но шумпотыса кабыл басьто, но выжызы ӧвӧл: огдырын оско, нош визь сынаськон вуэ ке, усё.

Собере дышетскисьёсызлы Иисус шуиз: «Кытын тӥляд осконды?» Нош соос кышкаса но паймыса огзылы огзы веразы: «Кин Та, тӧллы но, вулы но косыса вера но, соос Солэсь кылзӥсько?»

Сюрес кузя усемез – со сыӵе кылзӥсьёс, кинъёс доры бӧрысь диавол лыктэ но, медаз оске, медаз утиське шуыса, соослэн сюлмысьтызы Инмар кылэз нуэ.

Уго ӧвӧл нокыӵе но лушкем маке, кудӥз шарае потытэк уг кыльы, нокыӵе ватӥськемлэн но тодмо луытэк, шарае потытэк кылемез уг луы.

Ватыны луымтэзэ адӟыса, кышномурт куалектыса лыктӥз но, Со азе пыдесъяськыса, вань калык азьын Солы ялӥз, кыӵе муген Со борды йӧтӥськиз но кызьы со куспын ик бурмиз. Иисус шуиз: «Сэзь лу, нылмурт! Осконэд тонэ утиз. Каньылэн берт».

Дораз лыктыса, Сое сайкатӥзы но шуизы: «Дышетӥсь! Дышетӥсь! Быриськомы». Нош Со султыса, тӧллы но вулэн тулкымъяськонэзлы алыса вераз. Соку тӧл дугдӥз, ву вылын чус луиз.