Popular Bible Verses from San Lucas 23

Share

Jesúsru daunä pȩ'o̧pö̧ ttu̧ju̧no̧mȩnä̧, Jesús pä'inödo: —Chä'o, pitö jerupö jȩtta̧'a̧ unichi'i. Su̧ro̧da̧u̧mä̧ Jesús ö̧'ca̧tä̧huä̧ta̧ ttȩma̧ pä'ö, dittö jueö päaja pä'ö pä'ä'chäcuähuinätödo.

Jesús ja̧u̧ru̧ ädätinödo: —Iso päi'önä pä'ösä ucuru, jitä mo̧ro̧ päi'önä ttöcu cu̧jä̧cua̧jä̧ mo̧ro̧jä̧ra̧'a̧.

Ja̧'hua̧ ja̧'a̧ pä'inödo: —Jesús mo̧ro̧jä̧ra̧'a̧ cui̧'cho̧mȩnä̧, ttörö cuamöcuädaja.

Ja̧'hua̧ ja̧'a̧ttö̧ Jesús huopinödo: —Chä'o, ttö cha̧'cua̧rö̧ iyösä ucuru. Ja̧'hua̧nö̧ pä'ö 'corupä'i'inödo.

La Calavera, U Isose Pi̧no̧mȩ pä'ö micuome tti̧'cho̧mȩnä̧, Jesúsru daunä pȩ'o̧pö̧ ku̧ni̧nä̧tö̧do. Ja̧'hua̧ta̧nö̧ jahuätö ta̧ju̧ suronä jȩpi̧nä̧tö̧rö̧, ya̧tȩrö̧ Jesús u̧huo̧jua̧'a̧nä̧, ka̧ra̧rö̧'i̧nä̧ ieruhua'anä daunä pȩ'o̧pö̧ ku̧ni̧nä̧tö̧do.

Täcö kä̧hua̧ jueö kö̧rö̧ päi'ina'ado. Ja̧'hua̧ päi'omenä, o'ca juiyönä pi̧jä̧nä̧ yo̧i̧'i̧na̧'a̧do recuonänö, kä̧hua̧ huerächi'örö, a las tres päi'omenä, cä'ädö. Mo̧ro̧ kä̧hua̧'i̧nä̧ yo̧i̧'i̧na̧'a̧do. Diosrö ucuocuäcuähuodenä Ji̧nä̧ Isocu Adihuo̧ca̧ äpate ä'ca tto̧ȩcuä̧ta̧ huämettö kä̧mä̧dö̧, rȩjȩcu̧ päi'önä sȩrä̧chi̧pi̧na̧'a̧do yoröiso juiyönä päi'önä.

Romanos ttö̧ja̧ su̧ro̧da̧u̧ ttu̧ru̧hua̧ ja̧'hua̧nö̧ 'cuäopa'a tomenä, Diosrö eseunu ucuocuinödo. Pä'inödo: —Iso päi'önä pidemä suronämä yoröiso jȩpo̧cö̧ pi̧nö̧.