Popular Bible Verses from San Lucas 21

Share

'Cuäopönä jo̧mȩ päi'önä tta̧'ä̧rä̧tu̧cui̧. Pi̧yȩ 'cuäopä̧cuȩmä̧ ucuturu 'cuäopö juiya pä'ö, Diosrö ucuocuätucui 'cuäopönä. Ja̧'hua̧ta̧nö̧ Ubo I̧tti̧ ä'ca jo̧mȩttö̧ adiu cu̧ja̧cuä̧tu̧cuä̧cua̧'a̧nö̧ ucuocuätucui, —pä'inödo Jesús.

“Ttu̧ȩcuä̧nä̧tä̧ ka̧cuä̧tu̧cui̧. Pi̧jä̧ jähuä jȩpö̧, tä̧'ä̧mä̧'chö̧ jȩpö̧, cuami iso'quitucu 'quiyönä juoächa'acu jȩcu̧'ä̧tu̧cuä̧'. Ja̧'hua̧ta̧nö̧ pi̧jä̧ jähuä amöcuädö kä̧nö̧, koro hua̧rö̧ 'chuttäda'a jä̧'i̧nö̧'a̧nö̧ ja̧u̧ juäi 'cuäopä̧cuȩ mo̧ro̧ tta̧cu̧huä̧rä̧tu̧cuo̧ca̧'a̧ adiu ka̧cuä̧tu̧cui̧. O'ca toi'önä ttö̧ja̧ pi̧jä̧ pa̧ja̧cu̧nä̧ ka̧cuä̧tö̧rö̧ ja̧'hua̧nö̧ ichäcua'a ja̧u̧nu̧ mo̧ro̧.

Cuami 'qui'ächi'ö cu̧ja̧cuä̧tu̧cu̧ttu̧mä̧, kä̧cuä̧huä̧ i'co cu̧ju̧nä̧rä̧cuo̧tö̧jä̧.

Ja̧u̧nu̧ mo̧ro̧ päi'omenä jicuhuähuätucuä̧cuȩ'i̧nä̧, rö̧ȩnä̧ huo̧juä̧huä̧'i̧nä̧, cuaboiyotö yoröiso ucutu päcuhuätucuttu'inä i̧mi̧cu̧nä̧ pättö juiya pä'ö, chi̧yä̧cuä̧u̧jä̧.

Mo̧ro̧jä̧'i̧nä̧, pi̧jä̧'i̧nä̧ beipächäcua'a. Ttö chi̧huȩnȩmä̧ yoröiso beipocö.

Juhua'a yabonö huo̧juȩti̧nö̧do Jesús: —Ja̧'hua̧ ja̧'a̧ttö̧ mo̧ro̧ kä̧hua̧nä̧'inä̧, yodo kä̧hua̧nä̧'i̧nä̧, si̧ri̧'cö̧nä̧'i̧nä̧ i̧jȩcuä̧ kä̧cua̧'a̧. Pi̧jä̧nä̧'i̧nä̧ ttö̧ja̧, dubora rö̧ora rö̧ȩnä̧ ppahua'a pä̧i̧cu̧nä̧ ucuocua'attö ä̧ju̧cu̧, jerunä yettecuäcuotö. Pi̧jä̧nä̧ 'cuäopä̧cuȩ amöcuädö, pi̧jä̧ ttö̧ja̧ ye'ecu ttijuiyuächi'äcuotö. Mo̧ro̧jä̧ jähuä'inä ttö̧ȩpä̧cua̧'a̧. Ja̧'hua̧nö̧ päi'omenä, Ubo I̧tti̧ adihuä ujurunä dä'änö kä̧dȩpö̧nä̧ ajiya isoppanä icha'a tottäcuotö.

Ja̧'hua̧ta̧nö̧ ttörö cuesetätucua'attö, o'ca toi'önä ttö̧ja̧ kö'cocotö ttäcuotö ucuturu.

Rȩjȩ'i̧nä̧ korome pö̧nä̧ ttö̧ȩpä̧cua̧'a̧. Rö̧ȩnä̧ ppäi ttuttäcuotö. Rö̧ȩnä̧ na̧ttä̧chä̧cuo̧tö̧. Mo̧ro̧jä̧ jähuä, yoröiso tottocö juäi'inä, topö yettecui'äcuotö.

Ja̧'hua̧nö̧ ja̧'a̧nä̧ rö̧ȩnä̧ curä huȩnȩ'i̧nä̧, ra̧huȩpi̧jö̧ huȩnȩ'i̧nä̧ cuä̧ju̧cuä̧tu̧cuo̧mȩnä̧, yecuhuecuätucuä'. Ja̧u̧ o'ca juiyönä 'cuäopäcua'a. Ja̧'hua̧ta̧nö̧ 'cuäopa'anä, röji mo̧ro̧ ji̧nä̧ päi'oca'a jä̧cua̧'a̧. Ja̧u̧nu̧ o'ca'a juhua'a yabonö pä'inödo: —Korotö ttö̧ja̧ korotö ttö̧ja̧cu̧ ttörohuähuäcuotö. Ko̧ro̧jä̧ ttö̧ja̧, ko̧ro̧jä̧ ttö̧ja̧cu̧ ttörohuähuäcuotö.

Juhua'a yabonö huo̧juȩti̧nö̧do Jesús: —Ja̧'hua̧ ja̧'a̧ttö̧ mo̧ro̧ kä̧hua̧nä̧'inä̧, yodo kä̧hua̧nä̧'i̧nä̧, si̧ri̧'cö̧nä̧'i̧nä̧ i̧jȩcuä̧ kä̧cua̧'a̧. Pi̧jä̧nä̧'i̧nä̧ ttö̧ja̧, dubora rö̧ora rö̧ȩnä̧ ppahua'a pä̧i̧cu̧nä̧ ucuocua'attö ä̧ju̧cu̧, jerunä yettecuäcuotö. Pi̧jä̧nä̧ 'cuäopä̧cuȩ amöcuädö, pi̧jä̧ ttö̧ja̧ ye'ecu ttijuiyuächi'äcuotö. Mo̧ro̧jä̧ jähuä'inä ttö̧ȩpä̧cua̧'a̧.

Ja̧u̧nu̧ o'ca'a juhua'a yabonö pä'inödo: —Korotö ttö̧ja̧ korotö ttö̧ja̧cu̧ ttörohuähuäcuotö. Ko̧ro̧jä̧ ttö̧ja̧, ko̧ro̧jä̧ ttö̧ja̧cu̧ ttörohuähuäcuotö.

Jesús pä'inödo: —Korotö yapareu jittähuomenä, jittäumä jȩcu̧'ä̧tu̧cuo̧ca̧'a̧ adiu jȩpä̧tu̧cui̧. Ja̧u̧nu̧ mo̧ro̧ päi'omenä, recuätö ttö chi̧mi̧nä̧ ucuocu ttichäcuotö. Pättäcuotö: “Ttötäsä Cristo. Jitätä cuesetätucu'a̧nö̧ ja̧'a̧.” Ja̧'hua̧nö̧ pättomenä, jahuätörö cuesetätucuä'.