Popular Bible Verses from San Lucas 14

Share

—Ya̧tȩ ttöcu ichömä, jä'orö'inä, ja̧ju̧ru̧'i̧nä̧, esehuomettö'inä abonänö ȩsȩhuä̧cua̧ ttörö. Ja̧'hua̧ta̧nö̧ irecuarö'inä, i̧tti̧mö̧rö̧'i̧nä̧ esehuomettö'inä abonänö ȩsȩhuä̧cua̧ ttörö. Ja̧'hua̧ta̧nö̧ u̧bö̧o̧tö̧rö̧'i̧nä̧, ö̧jä̧hua̧tö̧rö̧'i̧nä̧ esehuomettö'inä abonänö ȩsȩhuä̧cua̧ ttörö. Ja̧'hua̧ta̧nö̧ chutä ö̧jö̧ttö̧ esehuomettö'inä abonänö ȩsȩhuä̧cua̧ ttörö. Ja̧'hua̧nö̧ jȩö̧ juiyöttömä, chu̧huo̧juȩtä̧cu̧ pä'i'ocö.

Ya̧tȩ ttöcu cue'ächö, 'corupäi'a pä'ö ubara ttu juiyöttömä, ttö chu̧huo̧juȩtä̧cu̧ pä'i'ocö.

Ya̧tȩ ucuo i̧sa̧ ö̧ja̧ pä'ömä, ucuo i̧sa̧ ko̧cö̧. Ja̧'hua̧ta̧nö̧ ya̧tȩ ucuo i̧sa̧ ö̧ja̧ pä'ocömä, ucuo i̧sa̧ ö̧jä̧cua̧, —pä'inödo Jesús.

Ja̧'hua̧ta̧nö̧ ucututtu ya̧tȩ u̧ju̧nä̧rö̧ o'ca juiyönä jaroi'ö juiyöttömä, chu̧huo̧juȩtä̧cu̧ pä'i'ocö.

Ucututtu ya̧tȩ isode ju'toju isode adita pä'ömä, ¿äcuomenämä pä̧mä̧dö̧ chojusode jo̧mȩ päi'önä cädäda pä'ö ku̧nä̧rö̧sä̧cö̧ pä'ö amöcuädocö tä̧ji̧? Amöcuädoca'a jȩö̧ttö̧mä̧, icui'quiyu ku̧ni̧pö̧'ca̧ cädi'öttömä, aditähuä topätömä ya̧ttä̧huȩ'a̧ja̧cu̧ ja̧u̧mä̧. Pättajacu: “Ja̧u̧mä̧ isode rö̧ode adita päina'anä, cä'ädocö pi̧nö̧.”

Ja̧'hua̧nö̧ jȩttä̧'i̧nö̧ juäimä, cuäcuähuä cuaditomenä, o'ähui usurä isotörö'inä, ttö̧jä̧pi̧yä̧ jui'ätörö'inä, kosu kosunu ka̧cuä̧tö̧rö̧'i̧nä̧, ä̧to̧cä̧tö̧rö̧'i̧nä̧. Ja̧'hua̧nö̧ eseu cu̧jä̧cua̧jä̧ jahuätömä ttimitä̧cuȩ juitta'attö. Ja̧'hua̧nö̧ cu̧ju̧nä̧rä̧cua̧jä̧ ocuhuipäji micuä adihuä isotö ttottächomettö.

“'Cäruäbö adiudo. Ja̧'hua̧nö̧ ja̧'a̧nä̧ 'cäruäbö ö̧nö̧ä̧ juiyöttömä, ¿tta̧'a̧nö̧ jä̧cua̧'a̧jä̧ttö̧? 'Cäruäbö ö̧nö̧ä̧ juiyomenä, rȩjȩ i̧sa̧ppȩcu̧ 'cäruäböcu huihuatö jȩä̧cuä̧huä̧nä̧ yoröiso surojö. Do'opötä do'opö icuähuä. Ä̧ju̧cuä̧tö̧mä̧, adiu ä̧ju̧cuä̧tu̧cui̧, —pä'inödo Jesús.