Popular Bible Verses from Hechos 2

Share

Ja̧'hua̧nö̧ ja̧'a̧ Pedro ädätinödo: —Pärocuäcutä amöcuädätucui. O'ca toi'önä Jesucristo i̧mi̧nä̧ bautizado pä'i'ätucui, Dios suronä jȩcu̧'i̧nä̧tu̧cu̧ jȩpö̧ icuätucuacu. Ja̧'hua̧nö̧ jȩcu̧'ä̧tu̧cuo̧mȩnä̧, ucuturu i̧yä̧cua̧ Espíritu Santorö Diosmä.

Jesús hue'ähuotö ttu̧huo̧juȩti̧nö̧mä̧ ttä̧ju̧cua̧ pä'ö, korotö Jesucristorö esetätöcu ji̧nä̧ yo̧mȩtȩ ca̧ca̧cui̧pä̧'i̧jä̧tö̧. Ji̧nä̧ yo̧mȩtȩ ca̧ca̧cu̧, ttu̧cuȩ cuä'ijätö. Ji̧nä̧ yo̧mȩtȩ Diosrö ucuocuä'ijätö.

Ja̧'hua̧nö̧ ja̧'a̧ o'ca toi'önä Espíritu Santo ö̧jä̧mä̧di̧nä̧u̧do. Ja̧u̧nu̧tä̧ Espíritu Santo jiähuomenä, korotö tti̧huȩnȩ ucuocuinätödo.

Ja̧'hua̧ ja̧'a̧ mo̧ro̧jä̧ra̧'a̧ttö̧ rö̧ȩnä̧ kä̧ru̧'co̧hua̧'a̧ ucuocua'a jä̧'i̧nö̧'a̧nö̧ ä̧ju̧cui̧nä̧tö̧do. Ttö̧'ö̧jode o'ca juiyönä rämipönä ucuocuina'ado. Juhuorötä ocurä cuoa'a jä̧'i̧nö̧'a̧nö̧ ja̧'a̧ i̧jȩcui̧nä̧u̧do. Ja̧u̧ttu̧tä̧ ka̧cuä̧mi̧pi̧nä̧u̧do ka̧ra̧rö̧'i̧nä̧, korotörö'inä. Ja̧'hua̧nö̧ ja̧'a̧ o'ca toi'önä Espíritu Santo ö̧jä̧mä̧di̧nä̧u̧do. Ja̧u̧nu̧tä̧ Espíritu Santo jiähuomenä, korotö tti̧huȩnȩ ucuocuinätödo.

Mo̧ro̧ji̧nö̧ a̧'u̧cuä̧ Diosrö ucuocuäcuähuodenä ca̧ca̧cui̧pi̧nä̧tö̧do. Ja̧'hua̧ta̧nö̧ ttahuaruhuärö'inä ji̧nä̧ yo̧mȩtȩ Diosrö'inä eseunu amöcuädö ttu̧cuȩ cuinätödo ttojusode pö̧nä̧. Diosrö adiu amöcuädö ucuocuinätödo. Korotö Jesucristorö esetätörö ucuotönö topinätödo. Mo̧ro̧ji̧nö̧ a̧'u̧cuä̧ korotö'inä Tu̧ru̧hua̧rö̧ esetö recuächinätödo, Dios ȩma̧'a̧ttö̧.

Ja̧u̧ Joel pä'inödo: Dios pä'ö, röji mo̧ro̧ päi'omenä, Espíritu Santorö chi̧yä̧cua̧sä̧ o'ca toi'önä pi̧jä̧nä̧ ka̧cuä̧tö̧rö̧. Cui̧tti̧mö̧ u̧mä̧tö̧'i̧nä̧, nä̧tö̧'i̧nä̧ chi̧huȩnȩ jittähuäcuotö. Ucututtu möäyotö'inä, böäcuächätö'inä ttu̧'cuo̧ti̧cuä̧cuo̧tö̧.

Jesucristorö esetätömä o'ca toi'önä ji̧nä̧ yo̧mȩtȩ ka̧cui̧nä̧tö̧do. Ttöäre'inä ji̧nä̧ ji̧yȩtȩ jȩpi̧nä̧tö̧do. Ja̧'hua̧ta̧nö̧ ttöäre pärätättö mitö ȩmö̧ iyinätödo korotö ttöäre recuä rö̧jä̧u̧ru̧.

O'ca toi'önä Tu̧ru̧hua̧ Jesucristo ppädatö pä'ö jä'epö amöcuädö ucuocuätömä Tu̧ru̧hua̧ ȩmä̧cuo̧tö̧, pä'inödo Dios.

Mo̧ro̧ kä̧hua̧ ö̧'ä̧ro̧huä̧cua̧ yo̧ö̧nä̧. Yodo kä̧hua̧ ö̧'ä̧ro̧huä̧cua̧ cuocunä. Tu̧ru̧hua̧ adiu jȩä̧cuȩ mo̧ro̧ päi'äcua'a ä'canä ja̧'hua̧nö̧ 'cuäopäcua'a.