Popular Bible Verses from San Marcos 11

Share

Ja̧'wa̧nü̧ ja̧'a̧ttü̧, pädäu̧jä̧ o'kajuiyünä̧ kua̧'kua̧ wȩnä̧rü̧, Dio-rü ukuoku jäkuepätukumä̧, täkü tȩmä̧kuo̧tü̧jä̧ pä'ü esetätukui, kuesetätukuomȩnä̧mä̧, kuȩmä̧kuo̧tü̧jä̧.

Isopäi'ünä̧ ukuturu pä'üsä, ya̧tȩ pi'ka mü̧ä̧'ka pätetü: ¡Juorü pporächi'ü rü̧ä̧ duboranä̧ ma̧'ä̧chi̧! päüttümä̧, päüta'anü̧ 'kuäopäkua'a, üdüdüwoka'a a̧'kua̧ wȩnä̧rü̧ päomȩnä̧mä̧.

Ja̧'wa̧ta̧nü̧, Dio-rü kukuokuätukuomȩnä̧, kkorotürü suronä̧ kuamu̧kuädä'ijätuku kä'ädi'ätukui ja̧'wa̧nü̧ jü̧ta̧'a̧nü̧, Kuä'o mo̧ro̧jä̧ra̧'a̧ kkü̧'i̧nä̧ suronä̧ jȩ'kuä̧'i̧jä̧tu̧ku̧ mikuäwächü juiyünä̧ jȩpü̧ ikuäkua'anü̧.

Ja̧'wa̧nü̧ päku, Jesú-mä̧ ädätinä̧ku̧: —Dio-rü kua̧'kua̧ wȩnä̧rä̧tu̧kui̧.

Ja̧'wa̧nü̧ ja̧'a̧, kkä̧mä̧dü̧ u̧wo̧juȩti̧nä̧u̧: —¿Wȩyu̧kuä̧ wȩnȩmä̧, päoka'a jä̧'i̧ja̧'a̧: Chojusodemä̧ o'katoi'ünä̧ Dio-rü ukuokuäkuäwode pättäkuode, jü̧nä̧mä̧?: Ja̧'wa̧nü̧ ja̧'a̧nä̧, ukutumä̧ nä̧u̧kuä̧rä̧tü̧ ttü̧'ȩjode jü̧nä̧tä̧ juo'epinä̧tü̧jä̧.

Ja̧'wa̧nü̧ jo̧mȩnä̧, ä'kanä̧ 'chä̧tü̧'i̧nä̧ ja̧'wa̧ta̧nü̧ o'ka'anä̧ ichätü'i̧nä̧, wopinä̧tü̧: —¡Jitä, ppä'äditü! ¡Tu̧ru̧wa̧ i̧mi̧nä̧ ichürümä̧, adiwäkua'a!, jü̧nä̧

¡Adiwäkua'a, tä'o Dawi mi̧nä̧ weü ruwo ichomȩnä̧! ¡Ppä'äditü, mo̧ro̧jä̧nä̧ttü̧!