Popular Bible Verses from San Marcos 10

Share

Isopäi'ünä̧, ubo I̧tti̧'i̧nä̧ umüwäyotü u̧ju̧nä̧ra̧ pä'ümä̧ ichokü pinü̧ pärokua'aku ttu̧mü̧wä̧ya̧ jü̧nä̧tä̧ ichinü̧, rekuätürü ppä'ädü, a̧'kua̧rü̧ iyäutä.

Pä'ü, jättekua'a topü, Jesú-mä̧ päinä̧u̧: —Ttü̧ja̧rü̧mä̧ weyekua'a. Ja̧'wa̧nü̧ ja̧'a̧nä̧, Dio-rümä̧ weyekuoka'a, isopäi'ünä̧ o'kajuiyünä̧ jȩü̧tä̧ wa̧ ja̧'a̧ttü̧.

Päiyäku, Jesú-mä̧ päinä̧ku̧: —Täkü täi; kua̧'kua̧ ku̧wȩnä̧ro̧mȩttü̧ pi̧'i̧pü̧jä̧. Päüta'anü̧, ä̧to̧ka̧mä̧ yotäku, pä'äji ji̧nü̧ta'anü̧ toünä̧ päi'inä̧ku̧. Ja̧'wa̧nü̧ pi̧'ä̧ji̧'ka̧, Jesú-ku mä̧nä̧nä̧ 'chi̧nü̧.

Ja̧'wa̧nü̧ ja̧'a̧ttü̧, Dio abetinä̧u̧ru̧mä̧ ttü̧ja̧sa̧ 'kȩ'ȩpü̧ ikua pä'ümä̧ juiya'a.

Pä'anä̧, Jesú-mä̧ topü eseunu̧ päinä̧ku̧: —Ji̧nä̧, ji̧yȩtȩ jui̧'a̧jä̧: ku̧ju̧nä̧rü̧ o'kajuiyünä̧ mikuä pä'ü iyä'chü ikuäji, rekuä rü̧jä̧u̧ru̧ kuiyäkua'anü̧. Ja̧'wa̧nü̧ jȩ'kuo̧mȩnä̧ mo̧ro̧jä̧ra̧'a̧ttü̧ pärätä ku̧ju̧nä̧rä̧kua̧jä̧. Ja̧'wa̧nü̧ jȩpü̧, ü̧jo̧kä̧nü̧ ȩmi̧pü̧, cho'ka'anä̧ ichi.

I̧'chi̧'a̧'a̧, jä'epü ä̧ju̧kui̧nä̧ku̧: —¿Däjé jȩcha̧ku̧ päkuättü̧? jäepomȩnä̧, ä̧to̧ka̧mä̧ ädätinü̧: —Wo̧juȩkuä̧ i̧sa̧, pä'äjita'anü̧ tocha pä'üsä.

Ja̧'wa̧nü̧ ja̧'a̧nä̧, ukututtümä̧ ja̧'wa̧nü̧mä̧ jo̧ka̧'a̧ jä̧kua̧'a̧. Jua̧u̧ ja̧jü̧ jueimä̧, ukututtü ya̧tȩ uruwo u̧ju̧nä̧ra̧ pä'ümä̧, ukutu ku̧mü̧wä̧ya̧tu̧ku̧ jä̧kua̧.

Isopäi'ünä̧ pädäu̧jä̧, ji̧'chi̧cha̧wa̧ jä̧'i̧nü̧'a̧nü̧ Dio weü ȩmo̧kü̧mä̧, juȩnȩ Dio weomȩmä̧ do'ächokü jä̧kua̧.

Ja̧'wa̧nü̧ ja̧'a̧ttü̧, rekuätü ä̧kuo̧mȩnä̧ wotümä̧, rüjinä̧ pätti'äkuotü ja̧'wa̧ta̧nü̧ rüjinä̧ wotütä ä̧kuo̧mȩnä̧ pätti'äkuotü.

Ja̧'wa̧nü̧ ja̧'a̧nä̧, Dio, ä̧kuo̧mȩnä̧ aditinü̧mä̧, uborü'i̧nä̧ isajuru'i̧nä̧ aditinü̧. Ja̧'wa̧nü̧ ja̧'a̧ttü̧, ubomä̧ jä'ottü'i̧nä̧, ja̧ju̧ttu̧'i̧nä̧ 'kȩi̧pä̧chä̧kua̧, irekuaku ppä'ächi'ümä̧. Ja̧'wa̧nü̧ ja̧'a̧ttü̧, ta̧ju̧ päjätümä̧ ji̧nä̧ ji̧yȩtȩtä̧ ttäkuotü. Ja̧'wa̧nü̧ jo̧mȩttü̧ täkü ta̧ju̧mä̧ wokotü, ji̧nä̧ ya̧tȩtä̧ wotü.