Popular Bible Verses from San Mateo 27

Share

Jua̧u̧tä̧ hora-nä̧ Jesú ujuruku pä̧i̧ku̧nä̧ wopi'inü̧: «Elí, Elí, ¿lemá sabactani?» Jua̧u̧mä̧ ¿Chä'o Dio, Chä'o Dio, tta̧'a̧nü̧ pä'ü ja̧'a̧tä̧ to'kuättüttü̧? pä'ü päwä.

'Korupäi'omȩnä̧, Dio-rü ukuokuäkuäwode i̧sä̧ta̧, jo'tojunä̧ttü̧ kkä̧mä̧dü̧, rȩjȩku̧ kkä̧'ko̧ta̧nä̧ sȩrä̧wi̧'i̧na̧'a̧. Rȩjȩ'i̧nä̧ ttü̧ȩpi̧na̧'a̧ inä̧wiyä'i̧nä̧ dürächipina̧'a̧ ja̧'wa̧ta̧nü̧ wa'are rütäwomȩ'i̧nä̧ bachächipina̧'a̧; ja̧'wa̧nü̧ ja̧'a̧ttü̧ rekuätü surojü jui'inä̧tü̧ wa'ü ikuinä̧tü̧mä̧ wa'ü ttikuinomȩttü̧ tto'ächipinä̧tü̧.

Jesú-mä̧ pä'äjita'anü̧ pä̧i̧ku̧nä̧ wopi'ü, 'korupä'i'inü̧.

Su̧ro̧do̧u̧ ttu̧ru̧wa̧'i̧nä̧ ja̧'wa̧ta̧nü̧ jua̧u̧tä̧ku̧ Jesú-ru to̧pä̧rü̧ tta̧'a̧rü̧ kka̧kuä̧tü̧'i̧nä̧ terremoto pättü juei o'kajuiyünä̧ 'kuäopa'a topü rü̧ȩnä̧ ye'ü pä'inä̧tü̧: —¡Isopäi'ünä̧ pidemä̧ Dio I̧tti̧ jä̧'i̧ja̧'a̧dä̧!

Kkä̧wa̧ jueü kkü̧rü̧, pi̧jä̧ o'kajuiyünä̧ yo̧ä̧i̧ja̧'a̧mä̧, ni̧pä̧ro̧mȩ las tres-bü päi'ünä̧, yo̧i̧na̧'a̧.

Pättiyäku, Pilato-mä̧ jä'epinü̧: —Ja̧'wa̧ta̧nü̧ ¿Jesú, Crito pättäkurumä̧, toku jȩcha̧'a̧jä̧ttü̧? Päomȩnä̧, o'katoi'ünä̧ ädätinä̧tü̧: —¡Ü̧jo̧kä̧nü̧ jäinä̧ pȩ'o̧pü̧ kkü̧nä̧tu̧kui̧rü̧, 'korupäi'ünä̧! pä'inä̧tü̧, pättiyäku, pilato-mä̧ pä'inü̧: —Jua̧u̧nu̧mä̧ ¿Däjé surojümä̧ jȩä̧jä̧ttü̧? Päomȩnä̧, yabonü̧tä̧ wopinä̧tü̧: —¡Ü̧jo̧kä̧nü̧ jäinä̧ pȩ'o̧pü̧ kkü̧nä̧tu̧kui̧rü̧, 'korupäi'ünä̧! pä'ü wopinä̧tü̧.