Popular Bible Verses from San Mateo 24

Share

Surojümä̧ rü̧ȩnä̧ yabonü̧ rü̧ä̧cho̧mȩnä̧, rekuätü eseu jȩttä̧'i̧jü̧'i̧nä̧ kättädächäkuotü. Ja̧'wa̧nü̧ ja̧'a̧nä̧ pi̧jä̧ beipächomȩbü päi'ünä̧, a̧mi̧ 'ki'ächi'ü kkü̧mä̧ ra̧wä̧pi̧jü̧ttü̧mä̧ ü̧ji̧pä̧kua̧

Ja̧'wa̧ta̧nü̧ pi̧yȩ jareünä̧ weü wȩnȩmä̧ pi̧jä̧ o'kajuiyünä̧ jiäkuä̧wä̧kuȩ, pi̧jä̧ ttü̧ja̧ o'katoi'ünä̧ ttu̧wo̧jua̧ pä'ü; ja̧'wa̧nü̧ jü̧ o'ka'a pi̧jä̧mä̧ beipächäkua'a.

Ja̧'wa̧ta̧nü̧ kuä̧ju̧kuä̧kuo̧tü̧jä̧ kurä ttürowäu wȩnȩ'i̧nä̧, ttürowäwä̧kuȩ wȩnȩ'i̧nä̧ jü̧nä̧. Ja̧'wa̧nü̧ ja̧'a̧nä̧ yekuekuätukuä, jua̧u̧mä̧ ä̧tȩkuä̧nä̧tä̧ 'kuäopa pä'ü ja̧'a̧; ja̧'wa̧nü̧ 'kuäopa'anä̧, pi̧jä̧mä̧ ji̧nä̧ beipächoka'a jä̧kua̧'a̧.

Ja̧'wa̧nü̧ ja̧'a̧nä̧'i̧nä̧ kko̧ro̧jä̧ ttü̧ja̧mä̧ kko̧ro̧jä̧ ttü̧ja̧ku̧ ttürowäwäkuotü ja̧'wa̧ta̧nü̧ kko̧ro̧jä̧ ruwotümä̧ kko̧ro̧jä̧ ruwotüku ttürowäwäkuotü; ja̧'wa̧ta̧nü̧ ppäi ttuttäkuotü, rȩjȩ'i̧nä̧ tti̧'ȩpü̧ pparächäkua'a, kkara'a pünä̧mä̧. Ja̧'wa̧nü̧ ja̧'a̧ pi̧yȩ o'kajuiyü 'kuäopümä̧, usurä ȩmä̧kuä̧wä̧ pä'ü kkä̧mä̧da̧'a̧ jä̧kua̧'a̧.

Mo̧ro̧jä̧'i̧nä̧, pi̧jä̧ rȩjȩ'i̧nä̧ beipächa'anä̧, ttü chi̧wȩnȩmä̧ beipächokü jä̧kuȩ.

Isopäi'ünä̧ rekuätü, ttü chi̧mi̧nä̧ ttichäkuotü, «Ttütäsä Crito-mä̧ pä'ätü.» Ja̧'wa̧nü̧ jȩpü̧ rekuätürü ttesetünä̧ ttüyaparewäkuotü

Ja̧'wa̧nü̧ jo̧mȩnä̧ usurä kuȩmä̧wä̧tu̧ku̧nä̧ iyü tti̧kuä̧kuä̧u̧jä̧; ja̧'wa̧nü̧ jȩpü̧ kuä'äu iku, pi̧jä̧ ttü̧ja̧mä̧ o'katoi'ünä̧ ttü jäwänä̧ ttüjü'koko̧u̧ kuäkuotüjä̧. Ji̧yȩnü̧ mo̧ro̧mä̧ ttesetä'ijü'i̧nä̧ kä'ädi'ü kkä̧nü̧, rowäkuäu mi̧kuä̧ri̧yä̧kuä̧u̧ iyä'chäkuäu ttikuäkuotü. Ja̧'wa̧ta̧nü̧ profeta'i̧nä̧ yaparewätü ttichäkuotü, ja̧'wa̧nü̧ jȩpü̧ ttü̧ja̧ rekuätürü ttesetünä̧ ttüyaparewäkuotü.

Jesú-mä̧ ädätinä̧u̧: —Yapareu jittäwe'ünä̧mä̧, kuesetätukuä.

Ja̧'wa̧nü̧ ja̧'a̧ttü̧, ukutu'i̧nä̧ jo̧mȩnü̧tä̧ kka̧kuä̧tu̧kui̧; isopäi'ünä̧ ubo I̧tti̧mä̧ tta̧kuä̧rä̧tu̧kuo̧kü̧ hora-nä̧ ichäkua'attü̧.

Ja̧'wa̧nü̧ ku̧ru̧wa̧tu̧ku̧ i̧chä̧kuȩ mo̧ro̧ kuieruwätukua'attü̧, kuä'i'ätukuoka'a to̧pä̧rä̧tu̧kui̧.

Ja̧'wa̧nü̧ ja̧'a̧nä̧, ji̧nä̧so chi̧chä̧kuȩ mo̧ro̧mä̧, hora-mä̧, mo̧ro̧jä̧ á̧gȩrȩ'i̧nä̧, chutä I̧tti̧'i̧nä̧ yorisotä ya̧tȩ'i̧nä̧ jerupätüjä̧, suro jä'o ya̧tȩtä̧ ja̧'a̧ jua̧u̧ wo̧jua̧mä̧.

Ja̧'wa̧ta̧nü̧ Crito i̧mi̧nä̧, profetas wotü tti̧mi̧nä̧ yaparewätü ttichäkuotü ja̧'wa̧nü̧ jȩpü̧ jȩtto̧kü̧ jä̧'i̧jü̧ jȩpä̧'chü̧, Dio ȩmi̧nä̧u̧ttü̧'i̧nä̧ ttesetünä̧ jȩttä̧kuo̧tü̧

Ja̧'wa̧nü̧ ja̧'a̧nä̧, Nué ü̧ji̧nü̧ mo̧ro̧ 'kuäopinü̧ta'anü̧ 'kuäopäkua'a, ubo I̧tti̧ ichü mo̧ro̧'i̧nä̧. Ji̧yȩnü̧ mo̧ro̧mä̧, rü̧ä̧ a̧'ȩ ma̧ä̧mä̧kua̧'a̧ ä'kanä̧mä̧, ttü̧ja̧mä̧ a̧wä̧rü̧ pȩjü̧, ttu̧kuȩ kuä̧nü̧, tti̧rȩkua̧mü̧rü̧ ȩmä̧kuä̧u̧ jȩpi̧nä̧tü̧, Nué woi'kanä̧ doächomebü päi'ünä̧. Ja̧'wa̧nü̧ jȩpü̧ kkä̧nü̧ ttieruäkuäwa'anä, rü̧ä̧ a̧'ȩ ma̧ä̧mo̧mȩnä̧, o'katoi'ünä̧rü̧tä̧ juatädi'ina̧'a̧. Jua̧u̧nü̧ ji̧nü̧ta'anü̧ 'kuäopäkua'a ubo I̧tti̧ ichomȩnä̧mä̧.