Popular Bible Verses from San Mateo 18

Share

Isopäi'ünä̧ ta̧ju̧tä̧ ja̧ pä'ü'i̧nä̧, wä̧mȩtukuätä ja̧ pä'ü'i̧nä̧ ttü chi̧mi̧nä̧ ka̧ka̧ku̧ ttü̧'ȩjü̧ttü̧mä̧, juätütäku ttü̧'kä̧tȩnä̧ kkü̧sä̧.

Pä'äjita'anü̧ pädäu̧jä̧, pi̧jä̧nä̧ttü̧ ukututtü ta̧ju̧ kkorojuei Dio-rü jäkuepätukua pä'ü kuamükuädätukuttümä̧, Chä'o mo̧ro̧jä̧ ru̧wa̧mä̧ i̧yä̧kua̧.

Jesú-mä̧ ji̧'ki̧cha̧wa̧rü̧ wopo'ü ttü̧'kä̧tȩ jo̧mȩ kku̧no̧po̧'ü̧, pä'inü̧: —Isopäi'ünä̧ pädäu̧jä̧ ppo̧'ä̧tü̧ jä̧'i̧nü̧'a̧nü̧ kui'ärowächätuku juiyüttümä̧, mo̧ro̧jä̧ ru̧wa̧ weomȩmä̧ do'ächokotü kuäkuotüjä̧.

Ja̧'wa̧nü̧ ja̧'a̧ttü̧, pide ji̧'ki̧cha̧wa̧ jü̧ta̧'a̧nü̧ a̧mü̧nä̧ pa̧ja̧tü̧ ukuo teäkuäwuö juiyüttümä̧ mo̧ro̧jä̧ ru̧wa̧ weomȩttü̧mä̧ ukuo kku̧nä̧rü̧ ja̧'a̧.

Jua̧u̧ ya̧tȩ ji̧'ki̧cha̧wa̧rü̧ ttü chi̧mi̧nä̧ do'ädürümä̧, ttürü do'ädü.

Isopäi'ünä̧ pädäu̧jä̧ pi̧jä̧nä̧ttü̧ ku̧nü̧'kätukumä̧ mo̧ro̧jä̧ra̧'a̧ttü̧'i̧nä̧ nü̧'kächi'äkua'a; ja̧'wa̧ta̧nü̧ pi̧jä̧nä̧ttü̧ kuejädätükumä̧ mo̧ro̧jä̧ttü̧'i̧nä̧ ejächi'äkua'a.

Jesú-mä̧ jua'a yabonü̧ pä'inü̧: —Ja̧'wa̧nü̧ ji̧nü̧ta'anü̧ Chä'o mo̧ro̧jä̧nä̧ kkü̧mä̧ jȩä̧kuä̧u̧jä̧, ukutu'i̧nä̧ kuawaruwä kui̧jä̧wa̧tü̧rü̧ kua̧mi̧'iso'kitukunä̧ jo̧mȩnü̧ eseku kuikuätuku juiyüttümä̧.

Ja̧'wa̧nü̧ ja̧'a̧nä̧, pitü ppo̧'ä̧tü̧ttü̧ ttürü esetätürü, ya̧tȩrü̧ ma̧ä̧chü̧nä̧ jȩpü̧rü̧mä̧, molino pättäyu i̧nä̧yunä̧ u̧ru̧pä̧'kȩnä̧ ti̧'ä̧dü̧ rü̧ä̧ duboranä̧ täkuomȩku̧, ya'uteku do'opü ttiku'anü̧tä̧ wotü.

¿Tta̧'a̧nü̧ kuamükuädätukua'ajä̧ttü̧? Ya̧tȩ ttü̧ja̧sa̧ ciȩnü̧ wotü oweja-tü̧rü̧ u̧ju̧nä̧ra̧'a̧, juätüttü ya̧tȩ re'tewächü toepiyäkumä̧, ¿Noventa y nueve-nü wotürümä̧ mü̧ä̧'kanä̧ kku̧ni̧pü̧, re'tewächäji oweja-rü usupo'ümä̧ i̧'cho̧ka̧'a̧ tä̧jí̧?