Popular Bible Verses from लुका 8

Share

मलिल माटियँ पोर्‌ल बियाइ इसे कुरा बुझाइत कि कोलोउ चाहिँ बचन सुन्‍तात् र आग्‍या मानिकुन सुन्‍ल बचनके राम्रसे मनयँ राख्‍तात्, र धेरइ फोर फोरातात्।

काटोक झाङगयँ पोर्‌ल बियाइ इसे कुरा बुझाइत कि उसबेइ परमेसोरक बचन त सुन्‍ताहात्, तर सन्‍सारक चिन्‍ता, धन-सम्‍पति र मोजमस्‍तिक जिन्‍दगिइ ढाक्‍ल गुनेइ बिस्‍वास बाढिके नापाओइ र उक्र फोर पाकिके पुनु नासकइ।

पाथरयँ पोर्‌ल बियाइ इसे कुरा बुझाइत कि उसबेइ परमेसोरक बचन सुन्‍ल बित्‍थिकइ बिस्‍वास कर्‌ताहात्, तर उसब जरि नइ निजभइल बिरुवा जस्‍नइ भइताहात्। ओसिन कर्‌तेखना उसब्‍क बिस्‍वास एकछिनक लागि मत्‍रइ भइत, हसे अस्‍कार र दुखक बेलायँ बिस्‍वास हेराइत।

येसुइ चेलासब्‍के कहिकेभइल, “खइ, तेह्रसब्‍क बिस्‍वास?” उसब छक्‍कइ पोर्‌ल, ओनेन्‌क सक्‍ति देखिकुन डारातिन एक-अर्‌कसे कुरा करिके थाल्‍ल, “उसब कोनो हखत? ओनेनेइ हप्‍कानेपार त भेल र आँधिबेरिइ समेत ओनेन्‌क आग्‍या मान्‍ते रलाहाइ।”

पइडायँ पोर्‌ल बियाइ इसे बुझाइत कि उसबेइ बचन सुनिके त सुन्‍तात् तर मनयँ राखिके नासकत्; किकेकने बिस्‍वास करिकुन बाचिके झुन्‌पाउस कइकुन सइतान आइत हसे सुन्‍ल कुरा बिछिकुन लेजित।

“यस्‍के नइ जे जत्‍का लोकाइकुन राख्‍ल कुरा बाटइ, उसे सभइ बाहार देखार पारित र जे जत्‍का गोप्‍पे कुरा बाटइ उसे सभइ प्रस्‍टइ भइत।

उसे बेटि लोकाइराखिके निजसक्‍लार कुरा थाहा पाइकुन, डरेइ काप्‍तिन ओनेन्‌क अगाडि घोप्‍टो पर्‌लि। ओनेन्‌के उहि छिउलि, र छिउल बिथिकइ निक भइलि कुरा सभइक आघु कहलि। येसुइ उख्राके कहिकेभइल, “मेर छाहिम्, तेर बिस्‍वासेइ तोइ निक भइलि बाटस्, आबे खुसि भइकुन जाउक्।”

ओस्‍न भइतेखना चेलासब आइकुन येसुके उठातिन कहिके थाल्‍ल, “गुरुजिउ, गुरुजिउ! हामे त मोरिके थाल्‍ल।” इसे सुनिकुन येसु उठिकुन आँधिबेरि र भेलके हप्‍काइकेभइल। उहइबेला नइ आँधिबेरि रोक्‍ल र सभइ सान्‍ति भइहाल्‍ल।