Popular Bible Verses from San Marcos 2

Share

Saa xi̱ni soꞌo Jesús ya ndi̱kaꞌan nda, ta ndi̱kuiin ra káꞌan ra xiꞌin nda, káchi ra saa: ―Na íyo vaꞌa ini, ta köo xíniñuꞌu na kuꞌun na nuu ndotor. Na kúꞌvi ku na xíniñuꞌu kuꞌun kutatan. Ta yeꞌe, vaxi i kana i ivi na väꞌa, süvi na vaꞌa vaxi i kana i ―káchi Jesús xiꞌin nda.

Ta ku̱ndaa ini Jesús ya ndáa ni ini nda xíni nda ra, saa ndi̱kaꞌan ra xiꞌin ra kúꞌvi ikán, káchi ra saa: ―Seꞌe, xáa kaꞌnu ini i xaꞌa kuachi un ―káchi ra xiꞌin ra.

Saa ndi̱kaꞌan ka Jesús xiꞌin nda, káchi ra saa: ―Xaꞌa ya vaꞌa na ivi kua xa̱kin Ndioxi iin kivi ya ndikundee na, ta süvi xaꞌa ya sindoꞌo ra na kua.

Saa iin chútu ndaa naꞌa, ta ni küvi yaꞌa nda xiꞌin ra chinduꞌu ñaꞌa nda nuu Jesús. Saa vaꞌa ka nda̱a nda sata veꞌe, ta ikán xu̱na nda xiní ya, saa si̱nuu nda ra nda nuu íin Jesús.

Vaꞌa vitin kuni ndo, yeꞌe ku Taa ra xa̱a ñuu ivi yóꞌó, ta kúu mií i ichí ya xaa kaꞌnu ini i xaꞌa kuachi na ivi ―káchi ra xiꞌin nda. Saa ndi̱kaꞌan ra xiꞌin ra kúꞌvi ikán, káchi ra saa: ―Vitin káꞌan i xiꞌin un, kuándikoo, ndikiꞌin un xito un ta kuánuꞌu veꞌe un ―káchi ra xiꞌin ra.

¿Unkua vaꞌa kaꞌan i xiꞌin ra? ¿Án ndíchi ka kaꞌan i xiꞌin ra: xáa kaꞌnu ini i xaꞌa kuachi ra, ¿án ndíchi ka kaꞌan i xiꞌin ra: ndikoo ra ndikiꞌin ra xito ra ta kaka ra?

Tá ndi̱kaꞌan soꞌva Jesús xiꞌin ra, saa ndikun ndi̱koo ra nuu ndiꞌi na ndi̱kiꞌin ra xito ra kuaꞌan xiꞌin ra. Saa iin ndi̱kanda ini ndiꞌi na ndóo na, ta káꞌan toꞌo ka vi na xaꞌa Ndioxi, káchi na saa: ―Ndee ni ndee kúu mií ra yóꞌó, chi nda iin ichí köo taꞌan ya yóꞌó xíni yo ―káchi na.