Popular Bible Verses from San Marcos 1

Share

Xitaan ni tá täꞌan tuvi, saa ndi̱koo Jesús kuaꞌan ra iin ñaꞌñu nuu köo nda iin naꞌa. Kuaꞌan ra kaꞌan ra xiꞌin Ndioxi.

Ta ya káꞌan ra xiꞌin na kua yóꞌó: ―Vitin kua ti̱ndaa tiempo, ta xa ku̱yati ni ya xa̱á Ndioxi kaꞌnda chiñu ra nuu na ñuu ivi yóꞌó. Yakan kuni soꞌo ndo ya káꞌan i xiꞌin ndo, ta xinu ini ndo ndiko koo ndo nuu Ndioxi, ta kandixa ndo ya vaꞌa yóꞌó ―káchi Jesús xiꞌin na.

Tá sindiꞌi si̱kuchi ra Juan ra saa ke̱ta ra ini tikuii, ñaa xi̱ni ra xúna nuu ndivi ta xi̱ni ra vaxi nuu Tachi I̱í Ndioxi, tá káa sata loꞌo saa káa ya vaxi nuu sata ra. Saa ke̱ta tachi Ndioxi nuu ndivi ndi̱kaꞌan ya xiꞌin ra, káchi ya saa: ―Yóꞌo̱ ku Seꞌe mani i, ta íyo vaꞌa ni ini i xíni i yóꞌo̱ ―káchi Ndioxi xiꞌin ra.

Yakan yeꞌe ta xiꞌin tikuii va síkuchi i ndóꞌo̱, sundi ra ikán ku ra sikuchi ndóꞌo̱ xiꞌin Tachi I̱í Ndioxi ―káchi ra Juan xiꞌin na.

Saa ndi̱kaꞌan ra xiꞌin nda, káchi ra saa: ―Naꞌa ndo koꞌyo xiꞌin i, ta yeꞌe taxi i inka chiñu ndaꞌa ndo, ta tïin ka ndo tiaka, sundi ndóꞌo̱ ta kuꞌun ndo kaꞌan ndo xiꞌin naꞌa ya ná kundikun na ichí Ndioxi ―káchi Jesús xiꞌin nda. Tá ndi̱kaꞌan soꞌva ra xiꞌin nda, saa ndikun si̱ndikoo nda ñunu nda, ñaa ndi̱kiꞌin nda kuaꞌan nda xiꞌin ra.

Ta ndi̱kanda ni ini naꞌa xíni soꞌo na ya káꞌan ra, chi káꞌan ra tá káꞌan iin ra kúu mií chiñu ndee ni, ta köo káꞌan ra tá kuꞌva káꞌan nda maestro nda sínaꞌa ley ya ta̱a ra Moisés.