Popular Bible Verses from San Lucas 2

Share

Kivi vitin ka̱ku iin ra loꞌo sikaku ndóꞌo̱ ñuu ra rey David, ta ra ikán ku Cristo ra ndi̱kaxin Ndioxi kaꞌnda chiñu nuu na ñuu ivi.

Saa ndi̱kaꞌan tatun ikán xiꞌin nda, káchi ya saa: “Ku ïꞌvi ndo chi ya vaꞌa vaxi i ndituꞌun i xiꞌin ndo, ya kusini ni ndiꞌi ku na ñuu ivi kua vaxi i kaꞌan i xiꞌin ndo.

¡Ná kunuu ka ya toꞌo Ndioxi, ra íyo nuu ndivi! 2 Ta ná koo vaꞌa ni ini na ñuu ivi na íkan ra ya vaꞌa xiꞌin ―káchi na tatun ikán.

Saa ndúndichi ka ra, ta xáꞌnu suku ka ra. Ta kúsini ka vi Ndioxi xiꞌin ra, ta ndiꞌi na vaꞌa ka vi káꞌan na xaꞌa ra.

Tá ná nditaꞌan ndo ra, ta soꞌva káa ra nditaꞌan ndo: Súvi ra tikoto ndíkaa ra ini iin itun nuu ñúꞌu ñaꞌa xíxi kiti”, káchi tatun Ndioxi xiꞌin nda paxto ikán.

Ta mí kivi ka̱ku Jesús ndóo nda paxto yati ñuu Belén, ndóo nda iku ndáa nda levo sana nda, ta ikán kíxi nda xiꞌin ri ñûu. Saa ku̱u ta ndi̱tuvi iin tatun Ndioxi, ta ndi̱yeꞌe ni ya yeꞌe Ndioxi nuu ndóo nda. Ñaa ndi̱ndiꞌvi ni nda.